"АБАЙ ҰРПАҚТАРЫ" - қолжазба журнал. 1939 жылдан бері Семей обл. Абай ауд. Қарауыл
а-дағы Абай атынд. орта мектепте оқушылар мен мұғалімдердің күшімен шығып келеді. М.Әуезов 1939 ж. Абайдың 95 жылдық мерейтойы қарсаңында ұлы ақынның туған жерінде, өзінің ақын
туралы болашақ романына материал жинап жүріп, елмен кездесу өткізеді. Сонда қолжазба
журнал туралы ұсыныс жасап, оны ұйымдастырушылардың бірі болады. Журналдың алғашқы
редакторы - Талғат Әбенов. Абай ұрпақтары мен жерлестері туған өлкенің өткен тарихын, ел
аузындағы халық әдебиеті үлгілерін, ұлы ақынның шығармаларын, ол туралы естеліктер мен
әңгімелерді жинақтады. Журналда Абай туралы өлеңдер мен әңгімелер, ғибратты сөздер, көркем
әңгімелер, естеліктер және т.б. қызықты материалдар жарияланды.
