Н. Ш. Чернышевский мұраларын оқып таныс болған, Батыс Еуропа әдебиетінен Гете, Дж. Байрон
жүктеу/скачать 3,44 Mb. Pdf көрінісі
|
| АЙМАУЫТОВ Жүсіпбек (1889. қазіргі Павлодар обл. Баянауыл ауд. Қызылтау а. - 1931.
Мәскеу) -жазушы, драматург, аудармашы, зерттеуші, публицист. Павлодарда орысша-қазақша екі кластық мектепті (1914), Семей оқытушылар семинариясын (1918) бітірген. А. 1911 - 14 ж. ауылда мұғалім. 1919 -22 ж, Халық ағарту комиссариатында алқа мүшесі, Семей губ. оқу бөлімінің бастығы, "Қазақ тілі" газетінің редакторы, 1922 - 24 ж. Қарқаралыда мұғалім. 1924 - 26 ж. "Ақ жол" газетінде әдеби қызметкер (Ташкент), 1926 - 29 ж. Шымкент пед. техникумының директоры қызметтерін атқарған. 1929 ж. "Қазақстандағы ұлтшылдық ұйыммен байланысы бар" деген сылтаумен тұтқындалып, 1931 ж. атылған. А-тың шығарм. жолы 1910 ж. басталды. Алғашқы әңгімелері, мақалалары " Қазақ", " Сарыарқа" газеттерінде, "Абай" журналында жарияланып тұрды. Ол әлем әдебиетінен В.Шекспир, В.Гюго, Г.Мопассан, А.Дюма, А.С.Пушкин, Р.Тагор, Н.В.Гоголь, Л.Н.Толстой, Дж.Лон-дон, т.б. шығармаларын, "Интернационал" әнінің мәтінін, бірқатар ғыл. еңбектерді қазақ тіліне аударды. Педагогика, психология, әдістемелік, эстет.тәрбие туралы кітаптар жазды. Әдебиет, эстетика, сын саласына араласты, сан алуан публицистикалық мақалалар жариялады. "Қартқожа", "Ақбілек" романдары, "Күнікейдің жазығы" повесі, "Шернияз", "Ел қорғаны", "Мансапқорлар" пьесалары, "Комплексті оқу жолдары", "Жан жүйесі", "Өнертаңдау", "Мағжанның ақындығы туралы" ғыл. еңбектері - сан салалы танлант иесінің қазақ әдебиеті тарихындағы өлмейтін орны бар шығармалары. 1918 - 19 ж. М.Әуезовпен бірге Семейде "Абай" журналын шығарып, "Екеу" деген бүркеншік атпен, Әуезовпен бірлесіп "Абайдың өмірі және қызметі" (1918. №2), "Абайдан кейінгі ақындар" (1918. №3), "Аударма туралы" (1925), "Сұңқар жыры" (1925) деген мақалалар жазды. А. театр. музыка. өнер тарихына қатысты көптеген мақалалар жазған. А-тың педагогика, психология және әдістеме саласында жазған ірі еңбектері өз уақытында елеулі рөл атқарды. Олардың ішінде "Тәрбиеге жетекші"(1924),"Психология" (1926), "Жан жүйесі және өнер таңдау" (1926). т.б. отандық ғылымның бастауында тұрған ірі ғыл. еңбектер. Кеңестік билік 1988 ж-ға дейін А. шығармаларын оқуға тыйым салды. Қазақстанда 1989 ж. жазушының бір томдық. 1996 -99 ж. бес томдық шығармалары жарық көрді. жүктеу/скачать 3,44 Mb. Достарыңызбен бөлісу:
|