қыркүйегі аралығында Троицк қаласынан кейде айына бір рет, кейде екі рет
шығып тұрған қазақтың алғашқы қоғамдық-саяси және әдеби-мәдени журналы.
Редакторы - көрнекті көсемсөз шебері, ақын, зерттеуші Мұхамеджан Сералин.
Журналды шығару ісіне татар ұлтының зиялылары біршама қаржылай-рухани
көмек көрсеткен. Басылымның 88 саны жарық көрген. Журналда
А.Байтұрсынов, Ш.Құдайбердіұлы, Қ.Кемеңгерұлы, М.Дулатов, С.Торайғыров,
Б.Өтетілеуов, С.Дөнентаев, Ә.Ғалимұлы т.б. қалам қайраткерлерінің еңбектері
жарияланған.
«Айқап» ұлт тарихы мен мәдениеті тақырыбын да біршама зерделеген. Журнал
XX ғасыр басында қазақтың саяси, мәдени деңгейінің өсуіне айрықша ықпал
еткен.
Басылым атына келсек, қазақтың «Әй, қап!» деген өкінішке толы сөзінен туған.
Яғни, мақсаты өкініштің орнын толтыру болған еді. Ал, «Айқапқа» пана болған
Троицк қаласы Қостанай-Торғайға жақын әрі сол кезде бұл өңір тұтасымен
Орынборға қараған еді. Орынбордың кейін астана болып кетуінің де сыры
осында. Қазіргі кезде «Айқап» бетінде жарық көрген материалдар сол кезеңнің
даму ерекшелігін, ұлт мәселелерін тануда үлкен деректік мәнге ие болып отыр.
Достарыңызбен бөлісу: 
