Бірінші басшы қағидасы — АКБЖ дайындау және енгізу
АКБЖ енгізілуші кәсіпорынның бірінші басшысының тікелей
қатысуымен және жетекшілігімен жүргізілуі тиіс. Тәжірибе
көрсеткендей, АКБЖ құруды екінші біреуге тапсыру әрекеті
жүйенің кертартпалық міндеттерді шешуге бағытталып, қажетті
әсерге жеткізбеуіне апарады.
Бұл ретте АКБЖ дайындаушылар мен бұл жүйені енгізуші
кәсіпорын қызметкерлері арасында тиімді өзара әрекеттестік
ұйымдастырылуы қажет.
Жүйенің үзіліссіз дамуының қағидасы АКБЖ дамуы
бойынша шешілетін міндеттердің шеңбері үзіліссіз кеңеюден, әрі
жаңа міндеттер әлдеқашан енгізілген міндеттерді ауыстырмаудан
тұрады.
Құжат айналымы және бірыңғай ақпараттық базаны автоматтандыру қағидасы деректерді өңдеу процесін
автоматтандыру ғана емес, сонымен қатар, шығыс деректерді
жинақтау, және шығыс құжаттарды рәсімдеуде қамтылады. Бұл
ретте жүйеге деректерді бір рет қана енгізіп, көп рет пайдалануға
тырысу қажет.
