РАМАЗАН ОРАЗАСЫНА ҚАТЫСТЫ
Сұрақ:
Ораза сөзінің анықтамасы қандай?
Жауап:
Ораза сөзінің араб тіліндегі баламасы – «саум».
Бұл – барлық нәрседен тыйылу деген мағынаны білдіреді.
Ал шариғат терминінде – ораза ұстауға ниет етіп, көкжиекте
көлденең атқан таңнан бастап, күн батқанға дейін ішіп-
жеуден және төсек қатынасынан тыйылу.
Сұрақ:
Рамазан оразасының парыздығына дәлел бар
ма?
Жауап:
Рамазан оразасы – Исламдағы бес парыздың
бірі. «Бақара» сүресінің 183-аятында Алла Тағала:
«Уа,
иман келтіргендер! Ораза бұрынғыларға парыз етілгендей,
сендерге де парыз етілді», – деп бұйырады. Пайғамбарымыз
(оған Алланың салауаты мен сәлемі болсын) өз хадисінде:
«Ислам бес негізге құрылған: Алладан басқа құдай жоқ
екеніне, Мұхаммед Алланың құлы әрі Елшісі екеніне куәлік
ету, намаз оқу, зекет беру, рамазан оразасын ұстау және
шамасы жетсе қажылыққа бару», – деген
(Бұхари)
.
Достарыңызбен бөлісу: | 
