| Беткі белсенді заттар энергетикалық қатынасты өзгертеді. Бактериалдық жасуша
оң зарядын жоғалтып, теріс зарядқа ие болады. Бұл өз кезегінде цитоплазмалық
мембрананың қалыпты қызметін бұзады. Бұндай заттарға сабын, май қышқылдары,
жуғыш заттар, детергенттер жатады. Аталған белсенді заттар жасуша қабырғасын
зақымдағанымен жасушаға ене алмайды.
Микроорганизмдерге физикалық, химиялық факторлар ғана емес, сондай-ақ
биологиялық факторларда өз әсерлерін тигізеді.
Биологиялық факторлар. Табиғатта ешқандай шекара жоқ, онда бәріде бір-бірімен
байланысты және өзара тәуелді болып келеді. Тіршілік иелері тұрақты экологиялық
жүйеге – биоценоздарға біріктірілген. Олардың әрқайсысы үшін популяцияның түрлік
және сандық қатынасы, құрылым, өзара қатынас және басқа да белгілер тән. Әртүрлі
ценоздардың (фитоценоз, микробоценоз) ішінде табиғатта микробоценоздар –
микроорганизмдердің қауымдастығы үлкен орын алады. Олардың және басқа тірі
организмдердің арасында алуан түрлі өзара қатынастар бар. Бұл қатынастар симбиоз,
комменсализм, метабиоз, сателлизм, синергизм, антагонизм және тағы басқа түрлерде
байқалынады.
Достарыңызбен бөлісу: | 
