КҮНТУДЫ  ЕЛІК  АЙТОЛДЫҒА ƏДІЛДІҢ  СИПАТТАРЫН

765  Елік бір күн өзді-өзі құстай торда,

Зерікті үйде, жамырап ойы онға,

Айтолдыны шақырды, «Келсін!» — деді,

Қол қусырып кірді де, ол сəлем берді.

Тұрды алдына Еліктің төр жақтағы,

Əуелі хан тіс жарып, тіл қатпады.

Байқап көріп, көзімен белгі беріп,

Ишарамен отыр деп берді ерік.

Бұл Айтолды отырды. Көзін жерге

Бұрып, тыныш қалыппен көңіл берді.

Қабақ түйген, түнерген түрі де ерен.

Күрзі үстінде үш айыр — үш сирақты,

Отырды Елік айбынды күміс тақта.

Сескендірер зор пышақ қолындағы,

Шекер, тұрған — оңында, солындағы — у.

Мұны көріп, Айтолды тынды тыныш,

Қатты қорықты, жоқ дыбыс, талды тыныс.