Мазмуны: Қосықлар 4

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         66
Әй, ағалар, ығбал болғай, 
Ҳақ нурына мийрим қанғай, 
Душпанлардың үйи жанғай, 
Заман түринен бермеди. 
 
Байда саҳаўат болмады, 
Ийшанда шәпәәт қалмады, 
Сонда да гүли солмады, 
Тилегимди ҳеш бермеди. 
 
Кетпеди кеўилдиң дағы, 
Көпир сынды гүзардағы, 
Ғариплер ашылмай бағы, 
Теңиз балығын бермеди. 
 
Бердимурат мениң өзим, 
Ялған емес айтқан сөзим, 
Әламатты көрди көзим, 
Саламатлығын бермеди. 
 
- Маған бер
 
Бәршени яратқан қадир қудайым, 
Берсең бул бендеңе ҳақлық жолын бер, 
Игри жүрсем артар мениң гүнайым, 
Бул қалбиме туўрылықтың нурын бер. 
 
Пәлек гәрдишинен етсем шикаят, 
Тыңлағанға ҳәсиретли бир ҳикаят, 
Жәбри-жапам болып тур бийниҳаят,

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         67
Зибаныма әдалатлық ҳүкмин бер. 
 
Әзел әмири билән дүньяға келдим, 
Қадир болып жақсы-жаманды билдим, 
Қайғы-әлем билән баўрымды тилдим, 
Қутылайын, бул қайғының емин бер. 
 
Бай дәўлетин бергил, бийғам жасайын, 
Несийбе ырысқымды молдан асайын, 
Әрмансыз ойнайын, сүйип қушайын, 
Маған дүнья жәннетиниң ҳүрин бер. 
 
Бир дем еткен мағрып-машрық арасын, 
Пырақ бер, күниме мениң жарасың, 
Жаҳан маған ҳәўес етип қарасын, 
Ҳәзирети Юсуптиң ҳусни көркин бер. 
 
Үстинен жол берсе не теңиз-дәрья, 
Мени тоздырмаса не заман гирия, 
Мың жылдан соң қандай болады дүнья? 
Көрейин, Луқманның узақ өмирин бер. 
 
Бостан бер, гүллери әтир анқысын, 
Арасында ел сайранлап шалқысын, 
Қолымда сом темир оттай балқысын, 
Темирши ҳәзирети Даўыт сеҳрин бер. 
 
Дүньяда тилсимлер сырын ашпаға, 
Рәфрад минип, жерден көкке ушпаға 
Душпанды өз зинданына баспаға, 
Жер-көктеги Сүләйманның ҳәмрин бер. 
 
Жаҳан гәзийнесин алсам қолыма, 
Сари айлемек ушын ҳақлық жолына, 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         68
Бердимурат киби ҳақтың қулына, 
Тәңрим, саҳаўатлы ана меҳрин бер. 
 
Түркстан, Хорезм мәсканым мениң, 
Бес қала, теңиздиң әтирапы елим, 
Айшы-әширет, арзыў әйлейди кеўлим, 
Маған да дәўлетли инсан өмирин бер. 
 
Бердақ дер, сөзимди айтып кетейин, 
Бақ болмаса хор өмирди нетейин, 
Болмаса дүньяны қарап етейин, 
Қане, маған Исрапылдың сүрин бер! 
 
- Бир жигитке
 
Өзи болған ғошшақ жигит, 
Қатты кетип барасаң сен. 
Бизден сизге пәнди үгит, 
Зейин салып қарасаң сен. 
 
Шапқанда байдың улысаң, 
Тоқтағанда бир пулысаң, 
Өзиңше Хийўа ханысаң, 
Пухараңбыз сорасаң сен... 
 
Батыр жигит елин бағар, 
Қасқалдақ ҳәм көлин бағар, 
Қатынлардың жолын бағар, 
Сендей жигит, қарасам мен. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         69
Өйтип, иним, қатты қашпа, 
Нар буўрадай көбик шашпа, 
Бир күн мурның тийер тасқа, 
Қатты уятқа қаласаң сен. 
 
Байлығым бар деп буўсанба, 
Дүнья жеткизбес қуўсаң да, 
Атадан алтаў туўсаң да, 
Ўатаныңа дарасаң сен. 
 
Бердақ айтар, жассынғандай, 
Әўметиң жоқ ассынғандай, 
Бақсы ағаңды бассынғандай, 
Иним еле баласаң сен! 
 
- Мениң
 
Бул дүньяға келгели, 
Болды ма айтқаным мениң? 
Ес-ақылымды билгели, 
Бар ма көрмегеним мениң? 
 
Қалем алып хатлар жаздым, 
Қайғыдан жүдедим, аздым, 
Жүзден жүйрик мыңнан оздым, 
Аз емес билгеним мениң. 
 
Бир кәмийне талып-илим, 
Өзимде жоқ аса билим, 
Тәңирим берген төкпе тилим,

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         70
Төгер кеўлимдеги мениң. 
 
Көрер ғарип жүз мың ҳазар, 
Бердимурат дағын жазар, 
Сөз аңбаслар салмас нәзер, 
Сөзлерди тыңлап мениң. 
 
Ғамлы кеўлим шегер нала, 
Залым жәбиринен сат пара, 
Ҳақтың ҳәмирине не шара, 
Үгер үстиқаным мениң. 
 
Мерекеде опақ болдым, 
Еңгезердей сопақ болдым, 
Көлге барсам, қопақ болдым, 
Аўым майламады мениң. 
 
Тыңлап, журтларым, найлейин, 
Тилимди тартып сөйлейин, 
Бул заманға мен не дейин, 
Айтқаным болмасдур мениң. 
 
Мен аллаға дад етермен, 
Кәмбил пирди яд етермен, 
Өтирик айтып, нетермен, 
Кеўлимде әрманым мениң. 
 
Ойланың енди, халайық, 
Усы ма бизге ылайық? 
Бәримиз бир ис қылайық, 
Сөзимди тыңласаң мениң. 
 
Басыма түсти қыямет, 
Бул заман болды әламат, 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         71
Жоқ шығарлар саў-саламат, 
Барлығы ойымда мениң. 
 
Жақсының гүли солмасын, 
Қаза жетпесин-өлмесин, 
Ғарипке жәбир келмесин, 
Өлгенше нийетим мениң. 
 
Күнхожаны тақыйық көрдим, 
Әжинияз бенен бир жүрдим, 
Айтқанына қулақ түрдим, 
Ирикпеди сөзимди мениң. 
 
Ҳақ жолына белим бағлап, 
Қара бағрым турман дағлап, 
Жүре алмадым бес күн шағлап, 
Барлығы ойимда мениң? 
 
- Дәўран
 
Келгенсоң адам көп жасқа, 
Қартайған соң болар қаста, 
Гүңиртленип көзим жасқа, 
Бул басымнан өтти дәўран. 
 
Жигирма бес өтти жасым, 
Кемейди қурбы-қурдасым, 
Қайғыда болды бул басым, 
Әрманлықта өтти дәўран. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         72
Мени салып жанған отқа, 
Күйдирип өкпемди партқа, 
Кем таслады бизди артқа, 
Сөйтип бизден өтти дәўран. 
 
Бай болмадым жыйнап малды, 
Бий болмадым бийлеп елди, 
Бәри меннен әдира қалды, 
Кереги жоқ ондай дәўран. 
 
Жутым болды маған қыйын, 
Мал болмады жыйын-жыйын, 
Қайда маған берген сыйың? 
Көп әўере еттиң, дәўран. 
 
Байға бардың, бахыт болдың, 
Сынбайтуғын сахыт болдың, 
Жөнин таптың қыйсық жолдың, 
Ҳәркимлерге кеттиң, дәўран. 
 
Жарлы көрсең жантаспайсаң, 
Жүги аўырға қолдасбайсаң, 
Ақыл көрсең ойласпайсаң, 
Ақылсыз жорға дәўран. 
 
Астымда пырағым ешек, 
Төсенерге ҳәм жоқ төсек, 
Малы жоқты еттиң өсек, 
Күлки қылдың бизди, дәўран. 
 
Ата-анама келмедиң, 
Бизге мал-ҳалды бермедиң, 
Қасыма мениң келмедиң, 
Бул басымнан өттиң дәўран. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         73
 
Сен тойған болсаң, мен де тоқ, 
Басымнан өттиң дүнья боқ, 
Маған да сен керегиң жоқ, 
Қашсаң жолың болсын, дәўран! 
 
- Ақыбет
 
Заман нешик заман болды? 
Ақыры болғай ақыбет. 
Кеўиллерге қайғы толды, 
Қайғы тарқағай ақыбет. 
 
Хызмет етсең, халық ушын ет, 
Зинҳар нәмәртке бурма бет, 
Жаманнан қаш, аўлаққа кет, 
Қарасы жуғар ақыбет. 
 
Жаманларға хызмет етсең, 
Дослық мийримин көрсетсең, 
Исти кейинг сүйретсең, 
Ис ўайран болар ақыбет. 
 
Жақсыға етсең хызметти, 
Ол да етер көп иззетти, 
Исиң болып берекетли, 
Сонда келисер ақыбет. 
 
Әя дослар, тардур заман, 
Бастағы бул күнлер жаман,

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         74
Тас буршақлы қара думан, 
Ақыры болғай ақыбет. 
 
Бастан көп саўда кеширдим, 
Қолымнан суңқар ушырдым, 
Ғапылда кәрўан көширдим, 
Болар ма енди ақыбет? 
 
Бердимурат суўпы болдың, 
Сен кимлерге усас болдың? 
Мудам елге несип қуўдың, 
Несип болмады ақыбет. 
 
- Екен
 
Жигитлик деген нар екен, 
Ғаррылық деген жар екен, 
Қартайған соң жасың жетип, 
Кең дүнья саған тар екен. 
 
Билгир сөзи ўәсиятдур, 
Яқшылардан шарафатдур, 
Ғарры сөзи нәсиятдур, 
Билмегенлер надан екен. 
 
Билгенлерди тыңламаған, 
Гәп мәнисин аңламаған, 
Үлкеннен нәсият алмаған, 
Ақылсызлық болған екен. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         75
Сәлем бермей ғаррыларға, 
Ҳазар берип пақырларға, 
Аларын қараў оларға, 
Бийинсаплық болған екен. 
 
Дүньясы бийҳесап ерди, 
Жети дүркин жылқы жыйды, 
Қарун дүньяда не көрди? 
Дүнья соңы ўайран екен. 
 
Бул дүньяға кеўил берген, 
Өлмеймен деп ғапыл жүрген, 
Жети ықлымға ҳүким сүрген, 
Искендер не болған екен? 
 
Жарлының көрер күни жоқ, 
Үстине кийер тоны жоқ, 
Бүлбилдиң қонар гүли жоқ, 
Гүл деп шатқа қонған екен. 
 
Қарап болған екен күним, 
Сөйлей алмай өшти үним, 
Жарлыға болмай бир тыным, 
Бир тамақ деп жортқан екен. 
 
Жуўырып-жортып тамақ таппай, 
Тамақ тапса үстин жаппай, 
Күндиз жүрип, ақшам жатпай, 
Тәғдир усылай болған екен. 
 
Сөзлерим дәрьядай тасты, 
Бүлбил сайрап жолға түсти, 
Бизге тағдир қылған исти, 
Тадбил қылмақ ялған екен. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         76
 
Ҳешким нәзер салмас бизге, 
Айтып турман, халқым, сизге, 
Бул сөзди қалдырдым изге, 
Көп сөз зая кеткен екен. 
 
Келер ме екен бизге мурат, 
Исимизди алла оңлап, 
Усы жерде Бердимурат, 
Сөзин тамам қылған екен. 
 
- Надан болма
 
Жөн-жосақларды сорамай, 
Азаматлыққа жарамай, 
Алды-артыңды барламай, 
Ләтте пәмли надан болма. 
 
Шапанды салып ийнине, 
Түсип баяғы пейлине, 
Қошшы ертпей кейниңе, 
Сен басқадай надан болма. 
 
Сениң әкең Қулым жаман, 
Оннан қалай туўдың аман? 
Сендейлерге емес заман, 
Жерменге ерип, жермен болма. 
 
Әкең сениң мурап па еди, 
Бундай ҳәмел сорап па еди?

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         77
Елден салық жыйнап па еди? 
Әкеңе тарт, жермен болма. 
 
Сениң теңиң емес ҳәмел, 
Қолыңа ал онсери бел, 
Атызға барып шапқыл шел, 
Ақылымды ал, онлық болма. 
 
Жармаңды иш, белиңди буў, 
Шаршасаң иш қайнаған суў, 
Сөйт те әкеңниң жолын қуў, 
Наданға ерип, надан болма. 
 
Ақылымды алсаң иним, 
Тап өзиңде болса билим, 
Усы айтып болған жерим, 
Ҳалыңды бил, надан болма! 
 
- Билгейсиз
 
Биреў менен жолдас болсаң, 
Шығыс жағыны билгейсиз. 
Сапар шығып ҳәмдам болсаң, 
Сыры-ҳалыны билгейсиз. 
 
Ҳақ жолында сабыр етип, 
Душпанларға жәбир етип, 
Талабыңа ықлас етип, 
Болажағыны билгейсиз. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         78
Ҳаял алсаң, жақсыны ал, 
Көп тыңлап сөзге қулақ сал, 
Көркин алма, минезин ал, 
Әўелден сынап көргейсиз. 
 
Ҳаслы кәрим қара мениң, 
Жүрек баўырым пара мениң, 
Кеўлим толы жара мениң, 
Бул гәптиң парқын билгейсиз. 
 
Бер дегенде достыңа бер, 
Душпанды етип қара жер, 
Ҳаслан қайқайып болма шер, 
Нәсиятымды илгейсиз. 
 
Жигит қанаты ат болар, 
Ат жигитке қуўат болар, 
Өлгенше ўақты шад болар, 
Аларның парқын билгейсиз. 
 
Аға беглер жасым орта, 
Айтқаным жоқ сөзди жорта, 
Исимде болмағай қата, 
Сөзимниң парқын билгейсиз. 
 
Ағалар, мен шайыр болдым, 
Гүл едим, қуўрадым солдым, 
Шығып дүньяға не көрдим? 
Аҳыў-зарымды билгейсиз. 
 
- Қарамас

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         79
 
Жаман болса туўысқаның, 
Күйип-писип шығар жаның, 
Гүл жүзиңнен қашар қаның, 
Өлсеңдағы ол қарамас. 
 
Малы болса неше түлик, 
Жаяў қалсаң бермес көлик, 
Ашық жолды қылар илик, 
Көзиң қалғанда қарамас. 
 
Саўарға саўын болмаса, 
Қабың ғаллеге толмаса, 
Бәршеси тайын турмаса, 
Жаман туўысқан қарамас. 
 
Басыңда болмаса бағың, 
Айта-айта талар жағың, 
Ден саўлықта алтын тағың, 
Қыйсайсаң ҳешким қарамас. 
 
Малың болмаса қолыңда, 
Жатар душпаның жолыңда, 
Досларың болып жаныңда, 
Ҳал-жағдайыңды сорамас. 
 
Ҳәл дәрманың кетсе бойдан, 
Шығалмассаң терең ойдан, 
Қалсандағы жыйын тойдан, 
Аты барлар ҳеш қарамас. 
 
Жетпесе тоның дизиңе, 
Намыс етип өз-өзиңе, 
Тоны тазаның изине

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         80
Ериўге жигит жарамас. 
 
Малы бардың дослары көп, 
Малсыз жүрер уўайым жеп, 
Дүньяда саған етер еп, 
Кеткен дәўлет ҳеш қарамас. 
 
- Кеткен келер ме?
 
Қолларына қобыз алып, 
Мойыныңа нота салып, 
Жыласаң да ўай-ўай салып, 
Кеткенлер қайтып келер ме? 
 
Басыңды тасқа урсаң да, 
Сынғанша мойын бурсаң да, 
Зар әйлеп жолда турсаң да, 
Кеткениң қайтып келер ме? 
 
Қус болып қанат қақсаң да, 
Суў болып тасып ақсаң да, 
Гәўҳардан шырақ жақсаң да, 
Кеткенлер қайтып келер ме? 
 
Ақыллы, дана болсаң да, 
Дүньяның жүзин шолсаң да, 
Қызыл гүл дейин солсаң да, 
Ойланың, кеткен келер ме? 
 
Атақ, абырайлы болсаң да,

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         81
Жәмшид дәўлетин жыйсаң да, 
Аўзың менен қус алсаң да, 
Бир кеткен қайтып келер ме? 
 
Қара жерди тепсеңдағы, 
Гөр қушақлап өпсеңдағы, 
Исип, семип кепсеңдағы, 
Ойланың, кеткен келер ме? 
 
Дүнья-малыңды шашсаң да, 
Ғазийне аўзын ашсаң да, 
Қанатлы қус боп ушсаң да, 
Кеткенлер қайтып келер ме? 
 
Белиңди беккем буўсаң да, 
Атадан артық туўсаң да, 
Өмириңше дүнья қуўсаң да, 
Кеткен дүньялар келер ме? 
 
Қасыңа жаршы алсаң да, 
Жаҳанға хабар салсаң да, 
Ҳақлап қалендер болсаң да, 
Кеткен дәўранлар келер ме? 
 
Пәлектиң гәрдиши жаман, 
Шаҳу – гәда қалмас аман, 
Ҳеш ким тулға болмас оған, 
Бендеси оны билер ме? 
 
Солдырмағыл қызыл юзин, 
Қайтып қонбас алғыр базың
1
. 
Ҳаққа шүкир етпек лазым, 
Өзи әкетсе, келер ме?... 
 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         82
1 
Баз - қус 
- Қара түптиң қырманында
 
Қара түптиң қырманына, 
Бердақ бақсы мийман болды. 
Тоғыз батпан қызыл тары 
Жигитлерден инам болды. 
 
Мен жүрмен елге қайталмай, 
Жигитлер болды шайтандай, 
Қолдаўлыға қосық айталмай, 
Көкирекке әрман болды. 
 
Қара түптиң қырманы шоқ, 
Ялғаншының қайғысы көп, 
Тары түўе дәнгил де жоқ, 
Тары қырман-қырман болды. 
 
Бекназары беглик етти, 
Сийсериге күши жетти, 
Қалған жағы қайда кетти? 
Ақыр түби ялған болды. 
 
Тары сабаны артқаны, 
Арман-берман жортқаны, 
Ата жолына тартқаны, 
Мерекеси ўайран болды. 
 
Әўелҳа пайласып алды, 
Қырманшыға салық салды,

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         83
Серекеси бермей қалды, 
Бул иси дым жаман болды... 
 
- Қыйналма
 
Кеткен жоқ әкеңниң малы, 
Қыйналма, Сайым, қыйналма. 
Атыңның кеткен жоқ жалы, 
Қыйналма, Сайым, қыйналма. 
 
Атың сениң молла Сайым, 
Қырман пайты – сениң ғайың. 
Үсир, питир болар тайын, 
Кеткен тоныңа қыйналма. 
 
Ертең келер үсир, питир, 
Несибеңе еткил шүкир, 
Дүнья келер салсаң зикир, 
Кеткен тоныңа қыйналма. 
 
Жойылыпты жалғыз тоның, 
Соны айтып қызды жоның, 
Ертең орны толар оның, 
Кеткен тоныңа қыйналма. 
 
Келер ертең тери-терсек 
Бир әўләкпер болар исек, 
Жойылса истипара кесек, 
Оған, моллеке, қыйналма. 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         84
Истипара кесек жойылды, 
Излеп көзлериң ойылды, 
Қай маңлайшаға қойылды, 
Табылар ертең, қыйналма. 
 
Қара маған көзиңди ашып, 
Отыр неге аңың қашып, 
Буншама дегбирден сасып, 
Жалғыз тоныңа қыйналма. 
 
Журттан аларсаң қудайы, 
Көрер күниң сол удайы, 
Мәлим ғой молланың жайы, 
Гөне тоныңа қыйналма. 
 
- Әдил қалмақ
 
Тәрип етсем, Әдил қалмақ, 
Айтып өтейин билгеним. 
Ўаспын айтып хатқа салсақ, 
Ҳәм еситип, ҳәм көргеним. 
 
Шарўа гезер қоныс пенен, 
Үлпет болдың болыс пенен, 
Ашна яр-дос билис пенен 
Ялғанды ойнап күлгениң. 
 
Атаң сениң таўдан асқан, 
Несибесин бунда шашқан. 
Көргенин қоржынға басқан.

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         85
Олжа қыздур мамаң сениң. 
 
Олжа қыздур мамаң нашар, 
Оннан туўған түбиң қулшар, 
Қул тухымы қулға усар, 
Досым аўсар бабаң сениң. 
 
Ата-бабаң өткен жери, 
Той-сәранжам еткен жери, 
Журтқа хызмет еткен жери, 
Қазақдәрья – жайың сениң. 
 
Соғымыңның бәри семиз, 
Аттан – айғыр, малдан – өгиз, 
Есап етсең еки сегиз, 
Байлап сойған қойың сениң. 
 
Айдос бий дәрьядай тасты, 
Үш ағаш қурып киси асты, 
Арзы қосқа адам қосты, 
Солардай зулымың сениң. 
 
Жүзден жүйрик, мыңнан тулпар, 
Қус жақсысы туйғын, суңқар, 
Қырқ адам болса хызыр бар, 
Не билсин саҳрайың сениң. 
 
Тойханаға қаздық ошақ, 
Сақалыңа буўрыл бир қушақ, 
Көзиң ала, мурның шошақ, 
Ҳаслы қулдур бабаң сениң. 
 
Тойға адам көп келеди, 
Сый көремен деп келеди, 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         86
Қулен болыс өкпеледи, 
Келмеди ме шамаң сениң? 
 
Той бермек не еди мақсетиң, 
Билсең тойыңда ақсадың, 
Шүршит қалмаққа уқсадың, 
Лалаўлаған тилиң сениң. 
 
Қосым қарақшы нөкерин, 
Көп екен қайқы ҳәкериң 
Алпыс батпан шай-шекериң, 
Жетпис батпан яғың сениң. 
 
Қудаң болыс, сен ақсақал, 
Азайғандай көп ғалмағал, 
Бул сөзлерим емес ғаўал, 
Теңлесипти бойың сениң. 
 
Ҳаялың сениң балғалы, 
Өзиң ақсақал болғалы, 
Балғалыдан қыз алғалы, 
Самбырайды сабаң сениң. 
 
Сирә сениң дузың кемди, 
Дүзиў бермедиң төреңди, 
Зарлаттың Есет гереңди, 
Тил ҳазары бабаң сениң. 
 
Шүршит қалмақ жетти пәрең, 
Әкең сениң Есет герең, 
Болыс болсаң адам жерең, 
Абырай ақсақал болғаның. 
 
Сен жүрипсең елди гезип, 

Бердақ Ғарғабай улы - Бердақ - Таңламалы шығармаларының жыйнағы
                    
kitapxana.com
 - Қарақалпақ әдебиятының электрон китапханасы                                         87
Ҳәркимге берген бир несип, 
Пухараң жүр сеннен безип, 
Абырайың кетти сениң. 
 
Бердекең айтар күйгеннен, 
Ҳаслы-затыңды билгеннен, 
Бундай ақсақал болғаннан, 
Жақсы еди өлгениң сениң. 
 

жүктеу/скачать 474,93 Kb.

Достарыңызбен бөлісу: