Ақ Сарбаз Әлемі. indd
жүктеу/скачать 3,4 Mb. Pdf көрінісі
|
Ақ Сарбаз Әлемі
| БӨРІ ЖӘНЕ БӨРІБАСАР
Бөрілі байрақ көтерген, бөріні тотем қылған, «бөрі сүтін еміп өскен» деп аңыз қылған бабаларымыз қасқырға еліктеу арқылы мынау Ұлы Далада тірі қалуды мақсат тұтқан. Қазақ даласынан жолбарыс құрып кетті. Алайда өзінің жанкешті бейімделгіштігі мен амал-айласы арқасында қасқыр күні бүгінге дейін өмір сүріп келеді. Енді қасқырдың эволюциясынан шыққан адамның қандай болатынын талдап көрейік. Қасқыр секілді жыртқыштың денесінен дамыған Жан адам болғанда ұрлыққа көбірек жақын болады. Қарақшылықпен күн көруді кәсіп қылуы – бұрынғы қасқыр ғұмырында қалыптасып қалған дағды. Қарап отырсақ қасқырды үлгі тұтқан бұрынғы қазақ қоғамында барымта-ұрлық көп болды. Адал еңбекпен емес, біреудің несібесін барымталап, тартып жегенді абырой көрді. Қаншама батырларымыз барымтаға барам деп мерт болды. Қазақ сыртқы жаудан қалай қырылса, ішкі тартыс-барымтадан да солай зардап шекті. Қазақтың негізгі күнкөрісі мал болғандықтан малды ұры мен қасқырға бермей бағу оңай емес еді. Малды бөріден қорғау үшін қазақ төбет иттің текті тұқымын өсіріп шығарды. Мұндай бөрібасарлар бір өзі ұялы қасқырды ала беретін. Жақсы ит қазақтың құты еді. Сол себепті «Құтжол», «Құтпан» деп итіне ат қоятын. Иттің басқа хайуаннан ерекше артық қасиеті бар. Ол – Рухани ізденіс 248 Ақ Сарбаз Әлемі адалдығы. Ит – өз иесіне шексіз берілген үшінші сатының тіршілік иесі. Итіңізді қусаңыз да, ұрсаңыз ол сізге кек сақтамайды. Сізді тастап кетпейді. Сол себепті қазақ итті жеті қазынаның бірі санайды. Иттің эволюциясынан шыққан Жан адам болғанда досына адал, дұшпанға қатал, қиындыққа қайыспас жан болады. Елі мен жері үшін күресіп, құрбан болатын ерлердің көбі дәл осы иттің эволюциясынан өткен жандар боп келеді. «Ақ Сарбаз» кітабында Ақ Сарбаздың бала кезінде кішкене күшік тауып алғаны әңгімеленеді. Ол сырттан төбеттің тұқымы екен. Кейін осы иттің жаны өзіне иті болып 3 рет қайтып келген. Ұқсастық Заңымен Ол Өзінің де иттің эволюциясынан шыққан Жан екенін түсінеді. Ол үшінші сатыда хайуанат деңгейінде болғанда оның Ұстазы Иса адам деңгейінде ғұмыр кешіп еді. Люцифер болса сол үйдің мысығы болды. Ит өзін «қызметші», үй иесін «ием» деп таныса, мысық өзін «үй иесі», оны асыраушы үй иесін «қызметшім» деп санайтыны мәлім. Люцифердің мысық деңгейінен қалыптасқан өзімшіл эгосы оны Құрылысшы болғанда Құдайдан безуге алып келді. Оның тайраңын тиып, тәубесіне келтіру үшін, Иесіне шексіз беріліп эволюцияланған Бөрібасардың Рухы керек болды. Адалдық пен берілгендіктің аяғы Ақ Сарбазды бәрінен биікке көтерді. Бұдан былай АДАЛДЫҚ пен БЕРІЛГЕНДІК Ғарышта дамитын Рухтардың ең БАС ИГІЛІГІ болып саналады. 249 ЖЕРҰЙЫҚ Өзінің кармалық қарыздарын өтеу барысында Ақ Сарбаз да талай адамдарға көмектескен. Кейбірін емдеген, кейбірін ажалдан құтқарған. Алайда емдеу мен біреудің жолын ашу – оның миссиясы емес еді. Қазір Ұстазда бір ғана мақсат бар. Рухымен оянған, қиындықтан қорықпайтын, бұрынғы өмірлерінен келе жатқан кармалық борыштарын өтеген, жаңа Жерде Құдайға шын беріліп көшпенді өмір сүруге дайын адамдарды тауып, оларды Зұлымдық Күштерінің тырнағынан алып шығу. Егер сізді Жаңа Отанға көшіретін болса – ол түріңіздің тартымды болғанынан, не, сіздің өнерлі, білімді, дарынды болғаныңыздан емес (Люцифер де білімді, дарынды болған) сіздің Құдай қажетіне жаратуға лайық болғаныңыздан! Тәңірі Адам Атаны Жерде жаратады дегенде барлық асыл тас атаулы: «адам денесі болуға мен лайықтымын» деп таласыпты дейді. Сонда Топырақ жарықтық: «маған елдің бәрі дәрет сындырып, түкіріп кетіп жатады. Мен лайықты емеспін- ау» деп таласқа қосылмапты. Осы қарапайым қасиетін бағалаған Тәңірі адам денесін топырақтан жаратқан екен дейді аңыз. Бұл жағдайда да осылай болуы ықтимал. Ақ Сарбаздан да Жерұйықтан да хабары жоқ, қойын құрттап, қойыртпағын ұрттап, бір меңіреу түкпірде тұрып жатқан қарапайым отбасы Жаңа Жерге көшіруге лайық боп шығады да, «мен лайықпын» дегендер бара алмай қалуы бек мүмкін. Меніңше екі Жерұйық болады. Жер планетасында полюстердің орын ауысуына орай жаңа материк – Жерұйық пайда болады. «Егер Жерұйық Жерде пайда болатын болса бөгде планетаға адам тасып, әуре болудың не қажеті бар?» деген сұрақ туады. Бөгде планетаға адам ұрқын алып кету – ол, страховка! Рухани ізденіс 250 Ақ Сарбаз Әлемі Егер Жер бетінде үшінші, төртінші, бесінші саты адамдары алтыншы саты адамдарының дамуына жол бермесе, Планета жойылып кету қаупі бар. Ондай жағдайда адамзаттан тұқым алып қалу керек қой! Жерұйық планетасына барып өмір сүру – айтуға оңай, жасалуы қиын, азап-мехнаты мол, барған әрбір жанның эволюциялық қасиетін сынға салар сапар болмақ. Оған апаратын хайуанат та іріктеледі. Ешкінің, доңыздың, сиырдың, мысықтың эволюциясынан шыққандардың бойында билікқұмарлық, жемқорлық, жалқаулық, менмендік басым болады! Сол себепті доңызды, сиырды ешкі мен мысықты ол жаққа апармайды. Белі қайыспас, балтыры майыспас – түйені, айдағанға жүретін, баққанды білетін – қойды, шашасын сорға малдырмас, жолдасын жолда қалдырмас – жылқыны, жаны сірі шыдамды, иесіне адал, ұнамды – төбет тұқымын алып барады. Меніңше Жердегі Жерұйықта қалатындарға өмір сүру бөгде планетаға кеткендерге қарағанда әлдеқайда жеңілдеу болмақ. Өйткені бесінші сатыдан қалған өндіріс бар. Егін мен дәнді дақылдарды азыққа пайдаланып, бесінші саты адамдарымен киім, азық-түлік айырбасын жасап параллель көшпенді өмір сүре алады. Жапон аралдары су астына кете бастаған кезде Қазақ мемлекеті оларға бауырлас халық ретінде жер береді. Теңіз жағасындағы жерлерге қоныстанған Жапондар қазақ мемлекетінің экономикасын көтеріп, қытайларға тойтарыс беруге көмектеседі. Ақ Сарбаздың шешімінен туған, украйн, жапон және қазақ халқының бірлігінен жаңа суперэтнос құрылмақ. Ол жаңа халықтың тілі – қазақ тілі, сенімі – Тәңірі діні, дәстүрі – көшпенді қазақ өмірі болмақ. «Өзі жақсы адамға қай жерде де орын бар» дегенді естен шығармайық. Рух үшін тәннің комфортта болғаны емес, сананың дұрыс қалыптасуы, рухтың шыңдалуы маңызды. Қай жерде жүрсек те (тіпті тозақта болсақ та) Рухымызды жоғалтпайық! |