Бахт ва бойликка эришишнинг етти йўЛИ

Жим Рон, "БАХТ ВА БОЙЛИККА ЭРИШИШНИНГ ЕТТИ ЙЎЛИ"
@bizneslar_olami
- Катта харажатлардан қўрқма, кичик дараромаддан қўрқ.
- Камбағалда жаҳл бўлади, бойда эса ақл.
"Кўп ухлашни, ётишни, ҳеч нарса қилмасликни қабрга қолдир, у ерда ёта-ёта
чарчайсан, ҳаракатингни ҳозир қилиб ол"
МАҚСАДЛАРНИНГ ҲАҚИҚИЙ ЙЎНАЛИШИ
Сиз миллионер кишининг нуқтаи назарига қатъий эга бўлмаган кишига
миллион доллар беринг-чи, у албатта бу пулларни йўқотади. Шунингдек,
ҳақиқий миллионердан миллионини олиб қўйингчи, у яна тезда ўз ҳолатини
тиклаб олади, йўқолганнинг ўрнини тўлдиради. Хўш, нима учун? Чунки
миллионер мақомига етишган киши ўзидаги жараённи қайта-қайта такрорлаш
учун билим ва тажрибаларга эга. Бирор киши миллионер бўлса, бунда энг
арзимас нарса унинг нимага эга бўлгани эмас, асосийси у КИМ бўлиб
етишганидир! Сиз энди менинг қуйидаги саволимга чуқур ўйлаб жавоб беринг:
истаган нарсага етишиш учун сиз қандай шахс бўлишингиз керак? Келинг, бу
тўғрида ҳам ён дафтар ёки кундаликка ёзиб қўяйлик. Сиз қандай билим ва
тажрибага эга бўлишингиз лозимлигини ёзинг. Жавобларингиз шахсий
ривожингиз учун янги мақсадларни беради.
Шу нарсани ёдда тутингки, ДАРОМАДЛАР ЎЛЧОВИ
ШАХСНИНГ РИВОЖИ ДАРАЖАСИДАН КАМДАН-КАМ
ҲОЛЛАРДАГИНА ОРТИҚ БЎЛАДИ.
Шунинг учун ҳаммамиз ўзимизни ўзимиз ўрганиш объекти бўлмо-ғимиз керак.
Мен ўз ҳаётимга боқиб, тез-тез сўраб тураман: "Яхши, мана мен истаган нарса,
лекин мен шунга етишиш учун шахс бўлишга тайёрманми?" Агар истаганимча
шахс бўлишни истасам-у, бироқ дангаса бўлсам, мен ўқиш, ўрганиш ва ўсишга
тайёр бўлмасам, мақсадларимдан бирор нарса олишдан умид қилишга ҳаққим
бўлмайди. Ёки нотўғрими? Мана энди хулоса қилингда, ЎЗИНГИЗНИ
ЎЗГАРТИРАСИЗМИ ёки ИСТАКЛАРИНГИЗНИМИ, ҳал қилинг!
@bizneslar_olami
@MILLIONER7
@MILLIONER7

ТИНГЛАШНИ БИЛИШ
Тинглашни билиш ҳам илм олишнинг муҳим усулларидан биридир. Келинг, мен
сизларга қуйидаги ғояни таклиф қилай: ошиғи олчи келаётган кишини танланг
ва уни тушликка таклиф қилинг. Яъни, камбағал киши (биз ҳаммамиз
кимларгадир нисбатан камбағалмиз) бойни таклиф этяпти. Бу ҳолда нима
қилиш керак? Ҳа, фақат уни тинглаш!Қўрқманг ва синаб кўринг. Майли 50, 60,
100 доллар сарфланг. 9 хил овқат буюринг, газакдан бошланг. Саволлар
беринг. Десерт буюринг. Яна саволлар беринг. Тушлик икки соатдан кам
бўлмаслигига ҳаракат қилинг. Сиз агар икки соат уни тингласангиз, унинг
стратегияси ва принципларини эгаллаб олишингиз ҳамда ҳаётингизни
ўзгартиришингиз мумкин.Афсуски, камбағал киши бойни тушликка таклиф
қила олмайди ва шунинг учун ҳам камбағаллигича қолади.
ШАХС ТАРАҚҚИЁТИ МЎOЖИЗАСИ
Даромад одатда шахс равнақи даражасидан катта бўла олмайди. Баъзида
тасодифан даромадингиз ўсиб кетиши мумкин. Бу ҳолда сиз буни бошқаришни
эплай олмасангиз, тезда одатдаги ҳолатига камайиши турган гап.Кимдир
миллион доллар берса, сиз тезроқ миллионер бўлишни истаб қоласиз. Жуда
бой бир одам айтган экан: "Агар сиз дунёдаги барча пулларни жамлаб, барчага
тенг тақсимлаб берсангиз, улар тезда қайси чўнтакдан бўлса, яна ўша
чўнтакларига қайтиб келади". Яъни, "Шахсий ривожга боғлиқ бўлмай келган
бойликни тутиб қолиш қийиндир".
* * *
"Қандай қилиб мен ўртача даражада даромадга эга бўлишим мумкин?" деб
сўраганларга "Ўртача даражадан юқорироқ шахс бўлишга ҳаракат қилсангиз",
деб жавоб бераман.Янги бошловчиларга айтадиганим: ўртача даражадан
юқорироқ кишиларга хос қўл бериб саломлашиш манерасини ўрганинг!
Шундайлар ҳам борки, ўсишни истайдилар, лекин буни ўрганмайдилар. Бундан
фойдаланиш ўрнига эътибор ҳам бермайдилар. Сиз ростдан ҳам бойлар
қаторига киришни истасангиз, ўрта даражадан юқори кишилардек табассум
қилишни, ўрта даражадан юқори кишилардек бошқаларга қизиқишни, ўрта
даражадан юқори кишилардек ғалаба йўлида иродангизни мустаҳкамлашни
ўрганинг. Айнан шулар сизни ўзгартиради. Ўрта даражадан юқори иш истаб,
ўрта даражадан юқори ҳақ олишни хоҳлаб, шу билан бирга шу даражадан
юқори шахс бўлишга интилмасликдан ортиқ маънисизлик йўқдир. Авваллари
мен: "Умид қиламанки, ҳолат яхши томонга ўзгаради", дердим. Агар ҳолат
ўзгармаётганини кўрсам, жиддий қийин аҳволда қолардим. Буни кўргач,
ўзимни чўкаётган кишидай ҳис қилардим.

ЎЗ-ЎЗИНИ АҚЛИЙ РИВОЖЛАНТИРИШ
Аксарият кишилар учун бу жараён эрта тўхтайди. Яхши ишга эга бўлгандан
кейин ақл пешлашнинг кимга ҳам кераги бор? Ўқимишлилик эгри чизиғи
одатда 18 ёшгача, бу чизиқ тепага деярли тик кўтарилиб боради. Ҳаёт ва
бизнесда ўз ўрнимизни топганимиздан кейин горизонтал - тўғри чизиққа
айланади. Яъни, ўсишдан тўхтайди. Бу сиз истаган ўрта даражага етишган
бўлсангиз, эҳтимол, етарлидир? Лекин йигирманчи асрнинг охирги ўн
йилликларида кишилардан доимий ўсиш ва ҳамиша малакасини ошириб
бориш талаб қилинади. Чункидунёда технологик жараёнлар тез
ривожланмоқда. Ҳеч ким бу шароитда қилаётган иши яна 40 йил ўзгармай
қолишига умид қилиши мумкин эмас. Энди ўзгариш, ўсишни истамай, "Бобом
шу ерда ишлаган эди, отам шу ерда ишлаган, мен ҳам шу ерда ишлайман",
дейдиган кишилар даври ўтиб бўлган. Ижобий томондан қараганда,
ўқимишлилик эгри чизиғининг юқорига ўсишини таъминласангиз, қандай
юксакликка эришишингизни кўз олдингизда тасаввур қилиб кўринг!
ИНТИЗОМ САРИ ЕНГИЛ ЙЎЛ
Агар интизомгина шахсий ривожланишингиз йўлида доимий интилишни
таъминлар экан, мен сизга интизом калитини бераман. Кичик
интизомлаштирувчи имкониятлардан фойдаланишдан бошланг, кейин уларни
бирлаштиринг. Аста-секин сиз интизомлаштирувчи қоидани эгаллаб
олганингизни сезасиз. Айтайлик, ҳозироқ нимадир қилишингиз керак бўлса,
шу кичкина муаммодан бошланг. Кейинроқ яна бир муаммочани олинг.
Кейинчалик каттароқ муаммолар пайдо бўлса, сиз уларни бемалол ҳал
қиладиган даражага етиб оласиз. Сиз оғирлигингизни камайтирмоқчимисиз?
Марҳамат, нонни ёғсиз ейишни бошланг. Европага боришни истаяпсизми?
Ҳафтасига 20 доллардан жамғарма тўплай бошланг. Аниқ билмоқчимисиз?
Ўрнингиздан ярим соат олдин туришни бошланг. Бир миллион долларлик
савдо қилмоқчимисиз? 50 доллардан бошланг. Роберт Шуллер айтганидек,
"Оз-оздан, ҳаммаси жойида бўлади". Сиз кичик қадамлардан бошламаган
бўлсангиз, ҳеч қачон катта қадам боса олмайсиз. Ўз шахсий ҳисобига тартиб
бера олмаган киши компания ҳисобини тартибга келтира оладими? Ҳаётда
ҳамма нарса ўзаро боғлиқ. Интизомнинг ҳар бир кўриниши ёки унинг йўқлиги
интизомнинг келгуси кўринишига таъсир қилади. Агар сиз қобилиятингизга
нисбатан кам иш қилаверсангиз, ўзингизга ҳам паст баҳо берасиз, ўз-ўзини
паст баҳолаш эса муваффақиятлар йўлидаги энг катта тўсиқдир.

САБАБЛАР
Жаноб Шоафф бир куни менга "Жим, банкдаги ҳисобинг сенинг ақлий
қобилиятингнинг ҳақиқий кўрсаткичи ҳисобланади", деди. Ва у яна қўшиб
қўйди: "Ўйлайманки, сенинг истеъдод ва қобилиятинг аслида жуда юқори, сен
янада ақллироқсан!"
- "Нега банкдаги ҳисобим кўпаймаяпти?" савол бердим.
-"Шунинг учунки, сенда бунга етишиш учун етарли сабаблар йўқ, - жавоб берди
устоз.
- "Агар сенда етарли сабаблар бўлганида эди, сен улкан ютуқларга эришишинг
мумкин эди. Бунинг учун сенда ақл етарли, лекин сабаблар эмас". Мана сизга
яна бир калит сўз: Етарли даражада сабабларга эга бўлинг! Шу пайтдан
бошлаб ўзим учун кашфиёт қилдим: Аввал сабаблар пайдо бўлади, кейин
жавоблар! "Эҳтиёж - кашфиётлар онасидир", деган эски нақл бор. Жуда тўғри
айтилган! Шуларни кўзда тутган ҳолда доим ўз сабабларингиз устида, кейин
эса жавоблар устида ишланг.
ҚИЗИҚУВЧАНЛИКНИНГ ТЎРТ РЎЙХАТИ
Сиз ўзингизга ўзингиз берадиган савол бор: "Мени нима қизиқтиради?" Ҳар хил
нарсалар ҳар хил кишилар учун турлича қизиқтирувчи омил бўлиб хизмат
қилади. Улардан бири - тан олиниш. Таниқли компаниялар раҳбарлари ва
йирик менежерлар тан олинишни моддий мукофотлардан афзал кўрадилар.
Муваффақиятли иш олиб бораётган компаниялар, айниқса, чакана савдо билан
шуғулланувчилар ўз ходимларининг катта-кичик муваффақиятлари учун
уларнинг тан олинишларига кўпроқ эътибор берадилар. Иккинчи уйғотувчи
омил шуки, кишиларга ўз ғалабаларини ҳис этиш ёқади. Бу энг яхши ҳаракатга
келтирувчи омилдир. Агар сиз нимагадир интилсангиз, бу ғалаба ва ютуқ бўла
қолсин. Менинг бир неча миллионер дўстларим бор. Улар ҳозир ҳам суткасига
10-12 соатлаб ишлайдилар ва миллионларини ошириб борадилар. Бу уларга
пул кераклиги учун эмас. Бу уларга ғалаба шодлиги, қониқиш ҳисси учун керак.
Улар учун пул рағбатлантирувчи эмас, уларда шундоқ ҳам пул кўп. Бу маст
қилувчи ғалаба нашидаси! Баъзида семинарларимдан кейин кимдир олдимга
келиб, "Жаноб Рон, агар миллион доллар пулим бўлганида бирор кун
ишламаган бўлардим", дейди. Шунинг учун ҳам Худойим бундай кишиларни
бой қилмайди. Улар ўз ниятларига яраша жазо оладилар. Учинчи улуғ
илҳомлантирувчи куч - оила. Айрим кишилар севган кишилари учун ўзлари

учун ҳеч қачон қилмайдиган ишларни қиладилар. Кунлардан бирида бир киши:
"Жаноб Рон, мен ва оилам дунёни айланиб саёҳатга чиқмоқчимиз. Бунга
йилига чорак миллион доллар керак бўлар экан", деб қолди. Ишониб
бўлмайди. Наҳот, бу киши оиласини шунчалик севса?! Мурувват ва саховатли
бўлиш, яъни кишининг ўз бойлигини кишилар билан бўлишиш истаги - бу
тўртинчи омилдир.
АРЗИМАС МАЙДА-ЧУДА САБАБЛАР
Муваффақиятга эришишга йўлловчи эзгу ҳаракатларимиз мурувват ва саховат
каби савобли мақсаддир десак, ажабланарли эмасми? Тўғрисини айтишим
керак, муваффақиятга интилаётган биринчи даврларимда мен бундай юқори
мақсадларни қилмаган эдим. Бунинг сабаблари жудаям содда эди. Тўғрироғи,
сабабларим одатда майда-чуйда сабаблар қаторига кирар эди. Бундай
сабаблар ҳар бир кишида ҳар куни учраши мумкин. Шу ўринда бир воқеани
айтиб беришим жоиз. Жаноб Шоаффни учратишимдан олдин бир куни
эшикнинг эҳтиётлаб тақиллатилганини эшитиб очсам, 10 ёшлар атрофидаги
қизча турибди. У бутун кучини тўплагандек менга "Герл-Скаут" печенpесидан
сотиб олишни таклиф қилди. Қизча жуда чиройли қутичаларга жойланган,
ёқимли ҳиди уфуриб турган печенpеларни (бир қутиси 2 доллар) жуда чиройли
тақдим қилди. Мен албатта сотиб олишни истардим. Жуда истардим! Афсуски,
ёнимда бир доллар у ёқда турсин, сариқ чақа ҳам йўқ эди! Ахир мен оила
бошлиғи эдим-ку! Коллежга киришни истардим, даромадли иш жойим бор эди,
бироқ ёнимда 2 доллар топилмади. Қизчага бу ҳақда айтолмасдим, шунинг
учун баҳона қилдим. "Кечирасан, мен анчагина шу печенpедан олиб қўйгандим,
ҳали тугагани йўқ", деб ёлғон билан ўзимни зарбадан сақлаб қолдим. Қизча эса
"Ундай бўлса, яхши, сэр, катга раҳмат", деб кетди. Мен унинг орқасидан узоқ
термулиб қолдим. Уйга кириб эса эшикка орқа қилиб, баланд овоз билан: "Мен
энди бундай яшашни истамайман. Мен ночорлигимга, ёлғонларимга нуқта
қўйишим керак. Мен бундан кейин ҳеч қачон ёнимда пулим йўқлигидан
ноқулай ҳолатга тушмайман", деб сўз бердим. Ана шу мен билан рўй берган
ҳолат ҳам "арзимас майда-чуйда сабаблар"дан бири эди. Лекин шу кичкина
сабаб кейинчалик ҳаётимнинг бутунлай ўзгаришига олиб келди. Бир неча
йилдан сўнг ҳисобимга анчагина пул тушириб, банкдан чиқиб машинам томон
юрар эканман, икки қизча ўша компаниянинг конфетларини сотиб юрганига
кўзим тушди. Улардан бири ёнимга келиб, харид қилишни таклиф этди.
- Эҳтимол, оларман, ширинлигингизнинг нави қанақа?- сўрадим мен.
- Бодомлигидан.
- Ундай бўлса, мен яхши кўрадиганимдан экан, қанчадан?
- Бор-йўғи 2 доллардан.

- Э-э, бўлиши мумкин эмас!
Улардан қанча қути борлигини сўраб, бирида 4 та, иккинчисида 5 та қути
борлигини билдим ва 18 доллар санаб бериб, ҳамма конфетни сотиб олдим.
Қизлардан бири менга қараб туриб: "Жаноб, сиз ҳақиқатдан ҳам зўр одам
экансиз!" деди. Кўз олдингизга келтиринг-а, сиз бор-йўғи 18 доллар
сарфладингиз, холосу, сизга "Зўрсиз!" дейишса! Энди нима учун доим ёнимда
бир неча юз доллар пул олиб юришимни тушунгандирсиз! Атрофингизга
боқсангиз, ҳамма кишиларда муваффақиятга эришиш йўлида кераклигича
сабаблар топилади. Бунинг калити етарли сабабларга эга бўлиш. Қандай қилиб
камтаргина ҳаётингизни бойлик ва бахтга тўла ҳаётга айлантирадиган "нозик
тор"ни топиш мумкин?
МАҚСАДЛАР: КИШИЛАРНИ НИМА ЙЎНАЛТИРАДИ?
Кунлардан бирида жаноб Шоафф компаниясида ишлай бошлаганимдан икки
ҳафтача ўтгач, биз у
билан нонушта қилдик. Ўшанда у:
– Жим, қани менга ўзингнинг мақсадларинг рўйхатини берчи, биргаликда
кўриб чиқайлик. Эҳтимол, мен сенга ҳозироқ
ёрдам беришим мумкиндир, - деб қолди.
– Лекин менда ҳозир бу рўйхат йўқ, - деб жавоб бердим.
– Эҳтимол, у автомобилда ёки уйингда қолгандир?
– Йўқ, сэр, менда ҳали умуман бундай рўйхат йўқ. Жаноб Шоафф оҳ урди ва:
– Яхши, яхши йигит, ҳозироқ бошласак, шу энг яхшиси бўлади, - деди у.

Кейин кўзларимга тик боқиб туриб:
– Агар сенда мақсадларинг рўйхати йўқ бўлса, банк ҳисоб рақамингдаги
маблағинг бир неча юз долларгача хатоликда эканини аниқ айтиб беришга
ҳаракат қиламан, - деди ва тўғри айтиб берди. Бу эса диққатимни тортмай
қолмади, албатта. Мен ҳайратда эдим.
– Агар менда мақсадларим рўйхати бўлганда ҳисоб рақамимда ўзгариш
бўлармиди? - деб сўрадим.
– Таг-туби билан,- жавоб берди у.
Шу кундан бошлаб мақсадларни аниқлаш санъати ва илмини ўзлаштира
бошладим. Ўшандан буён нимага ўрганган бўлсам, айнан мақсадларни
аниқлаш ҳаётимда чуқур из қолдирди. Менинг мавжудлигимнинг ҳар бир
аспекти - яъни, менинг ютуқларим, менинг даромадларим, менинг банк
ҳисобим, ҳаёт тарзим, менинг мукофотларим, ҳатто менинг шахсиятим яхши
томонга ўзгарди. Мақсадингизни аниқлаш қобилиятини ўзлаштириш сизнинг
ҳаётингизга чуқур таъсир кўрсатишига шунчалик ишонаманки, бу одатда
нотўғри тушуниладиган жараёнга анчагина эътибор ажратишга ҳаракат
қиламан. Мен сизни навбатдаги бобларни ўқишдан кўра диққат қилишга
чақираман. Уларни ўрганинг. Агар қўлингизда ён дафтарчангиз бўлса, яна ҳам
яхши.
ОРЗУНИНГ КУЧИ
Ҳар бир кишининг ҳаёти бир неча факторлар таъсири остида бўлади. Бу
факторлардан бири атрофимиздаги муҳитдир: қаерда яшашимиз,
ота-оналаримиз кимлар, қандай мактабда ўқиймиз, дўстларимиз кимлар ва бу
аспектлар ҳар бири аниқ бир ролни ўйнайди.

Шунингдек, биз ўз ҳаётимизда рўй берадиган воқеликлар таъсирида ҳам
шаклланамиз. Мисол учун уруш руҳимиз (қалбимиз)ни остин устин қилиб
юбориши мумкин. Эга бўлган билимимиз ёки унинг йўқлиги ҳам ҳаётимизнинг
шаклланишида таъсирини кўрсатади. Ҳаракатларимизнинг натижаси ҳам
ҳаётимизга таъсир этади - истаган натижаларга эришиш йўлидаги
қобилиятимизга боғлиқ равишда ғурурланиш ҳиссини сезишимиз ёки тўла
мағлубият аламини тортишимиз мумкин. Лекин ҳаётимизга таъсир этувчи бу
факторлардан бирортаси ҳам бизнинг орзу қилиш қобилиятимиз каби
қудратли кучга эга эмас. Орзу - биз истаган ҳаётнинг соясидир. Шунинг учун
орзуларимиз бизни орқасидан етаклашига йўл қўйиб берганимизда улар
мақсадларимизга эришиш йўлидаги барча тўсиқларни енгиб ўтадиган ижодий
кучимизга эркинлик берадилар. Бироқ бу кучларни (энергияни) эркин қўйиш
учун орзуларимиз аниқ ифодаланган бўлиши зарур. Мавҳум келажак паст
тортиш кучига эга. Орзуларингизнинг ҳақиқатан рўёбга чиқиши, келажакка
қаратилган режаларингиз сизни ўз комига тортиши учун сизнинг орзуларингиз
аниқ ва равшан бўлиши керак. Келажакка нисбатан икки хил вариант бор: сиз
келажакка кулиб боқишингиз ёки қўрқув билан қарашингиз мумкин. Сиз нима
деб ўйлайсиз: қанча одам келажакка қўрқинч билан боқади? Тўғри, улар
кўпчиликни ташкил қилади. Сиз доим хавотир билан яшайдиган кишиларни
кўргансиз. Нега бу кишилар қўрқиб қолганлар? Чунки улар ўз келажаклари
соясини (проекциясини) яратишга вақтлари бўлмаган. Кўп ҳолларда улар
кимларнингдир маъқуллашларини кутиб яшайдилар. Ҳаёт жараёнида улар
қандай яшаш кераклиги тўғрисидаги кимларнингдир нуқтаи назарларини
қабул қиладилар. Шунинг учун ҳам улар доим хавотирда бўладилар, нима
қилсалар ҳам, атрофдагиларнинг маъқуллашларини излайдилар. Бошқача
айтганда, келажакка умид билан боқадиганлар келажакларини режалаштириб
оладилар ва улар руҳлантирувчи ҳисга эгадирлар. Бу кишилар келажакларини
фикр доиралари билан "кўра" биладилар. Келажак уларнинг бор вужудларини
қудратли тортувчи куч билан эгаллаб олади.
АНИҚ ТАНЛАНГАН МАҚСАДЛАРНИНГ КУЧИ
Албатта орзу ажабланарли нарса, лекин фақатгина орзу қилишнинг ўзи етарли
эмас. Кутиладиган натижанинг улкан тасвирига эга бўлиш ҳам етарли эмас.
Арзирли бинога эга бўлиш учун аввало унинг пойдевори қайда бўлиши, тик
конструкцияларини кўтариш ва бошқалар кўрсатилган чизмага эга бўлиш
лозим. Бунинг учун эса аниқ мақсад бўлиши керак. Равшан кўринган орзу каби
аниқ ифодаланган мақсад ўзига оҳанрабодек тортади. Улар сизни ўзига жалб
қилади. Сиз қанчалик уларни аниқласангиз, шунчалик яхши тасаввур қиласиз,
қанчалик тиришқоқлик билан эришиш йўлида меҳнат қилсангиз, шунчалик
кучли тортади. Менга ишонинг, агар сизни муваффақиятингиз йўлларидаги

ҳаётнинг ўнқир-чўнқирлари йўлдан уришга ҳаракат қилса, сизни олға
етакловчи кучли магнит зарур. Мақсад қанчалик муҳимлигини билиш учун
атрофингиздаги ҳеч қандай мақсади йўқ кишиларга боқинг. Ўз ҳаётларини
режалаштириш ўрнига улар номига мавжуддирлар. Улар иқтисодий яшаб
қолиш жангавор зонасида ҳар куни ҳақиқий қадриятлар ўрнига мавжуд
бўлибгина туришни афзал билган ҳолда ҳаёт учун кураш олиб борадилар.
Торонинг "Кўпчилик кишилар жимгина чидам билан яшайдилар", деганига
ажабланмаса ҳам бўлади. Ҳамманинг асосий мақсади ва орзуси битта -
молиявий босимдан озод бўлиш, танлаш эркинлигига ва ижодий меҳнат
қилиш имкониятига эга бўлиш ва ўзгалар билан бўлишиш. Сиз учун бойлик
нимани билдиради? Сизга қанча пул керакки, ўзингизни молиявий эркин ҳис
қиласиз? Булар қуруқ саволлар эмас. Моддий бойлик тушунчасини ўзингиз
учун қанчалик равшан аниқласангиз, биз берадиган ғоялар сизга шунчалик
катта фойда келтиради. Фақат одам бойликка эришиш учун ўзи бошлаган
ишини охирига етказа оладиган даражада қатъий интизомга эга бўлиши керак.
Интизом бойликка эришиш омилларининг асосийси ҳисобланади.
Муваффвақиятлар эшигини очувчи "интизом" қандай бўлиши керак? Интизом -
бу мақсад ва унинг рўёбга чиқариш ўртасидаги кўприк, илҳом ва ютуғингизни
бирлаштирувчи елим, молиявий эҳтиёжингизни санъат асарини яратишга
айлантирувчи сеҳрли кучдир. Интизом варракни учириш учун уни шамолга
қарши йўналтирган, ҳаётда яхши нарсалар оқимига қарши сузган, мақсадсиз
пассив сирпаниб бориш аччиқ аламга олиб боришини тушунганларга насиб
этади. Интизом - бу ҳар қандай муваффақиятнинг устунидир. Интизомнинг
йўқлиги эса албатта муваффақиятсизликка олиб келади. Шунга қарамай,
кўпчилик кишилар муваффақиятсизликни интизомсизлик билан
боғламайдилар. Улар омадсизликни тўсатдан келган, вайрон қиларли ҳодиса
ва худди компаниянинг банкротга учраши ёки уйнинг эгаси алмашгандек деб
биладилар. Лекин омадсизлик бундай рўй бермайди. Омадсизлик айрим
ҳоллардагина алоҳида бир воқеликнинг натижаси ўлароқ юзага келади.
Аксарият ҳолларда эса бу интизомсизлик оқибатида рўй бериб тўпланиб
қолган, кичик-кичик омадсизликларнинг натижасидир. Омадсизлик ҳар сафар
бугун... ўйлай олмаганимиз, бугун... кечикканимиз, бугун... бажармай
эртагаликка қолдирганимиз, бугун... ҳаракат қила олмаганимиз, бугун... юқори
кўтарила олмаганимиз, бугун... олға юра олмаганимиз оқибатида рўй беради.
Агар сизнинг мақсадингиз бугун 10 та хат ёзиш бўлиб, 3 та ёзган бўлсангиз,
демак бугун сиз 7 та хатга орқада қолдингиз. Агар сизнинг мақсадингиз бугун
5 та телефон қўнғироғи қилиш бўлиб, фақат 1 та қўнғироқ қилган бўлсангиз,
демак, бугун сиз 4 та телефон қўнғироғига орқада қолдингиз. Агар сизнинг
молиявий режангиз бугун 10 доллар иқтисод қилиш бўлиб, 1 доллар ҳам
иқтисод қилмаган бўлсангиз, демак, бугун сиз 10 долларга орқада қолдингиз.
Кун бекор ўтиб, "Ахир бир кун нима бўларди?!" деб ўйласак, хавф туғилгани
кўринади. Ахир кунлар тўпланиб йилни, йиллар тўпланиб бутун умрни ташкил

қилади. Энди кундалик қайталанувчи кичик-кичик омадсизликлар тўпланиб,
ҳаётингизда катта бахтсизликни вужудга келтиради. Муваффақият ҳам худди
шундай келади, агар сиз аксини қилсангиз. Агар сизнинг мақсадингиз бугун 10
та телефон қўнғироғи қилиш бўлиб, 15 та қўнғироқ қилган бўлсангиз, демак,
бугун сиз 5 та қўнғироққа олдинда бўлдингиз. Шундай қилиб, сиз хатлар ва пул
иқтисоди билан шундай йўл тутсангиз, тезда йил бўйи (эҳтимолки, умрингиз)
давомида тўпланган тиришқоқлигингиз мевасидан баҳраманд бўласиз.
Интизом - бойлик ва бахт, ўз-ўзини юқори баҳолаш, маданият, ғурур, қониқиш,
муваффақият эшикларини очувчи асосий калитдир. Интизомга эришиш учун
нима қилиш керак? Биринчидан, интизомнинг ҳаётингизда муҳим ўрин
тутишини ҳис этишингиз зарур. Сиз ўзингизга қуйидаги саволни беришдан
бошланг: "Ҳаётда мен нималарга эришишим керак? Мақсадимга етишиш учун
нималарни ўзгартиришим керак?" Иккинчидан, "Бунинг учун мен тайёрманми?"
деб сўранг ўзингиздан. Агар жавобингиз "Ҳа!" бўлса, сиз ўз қоидангизни ўйлаб,
ақл билан ва илгарилаб амал қилишга узоқ муддатли мажбурият олишингиз
лозим. Охир-оқибат, мажбуриятларингиз сизнинг янги қоидаларингизга - сиз
нима бўлганда ҳам бажаришингиз лозимлиги билан тўқнашганда синовдан
ўтади. Албатта интизом сиз учун кўп нарсага қодир. Лекин асосийси, у сиз
билан нима қилишидир. У сизни ўз-ўзингиздан даҳшатга тушишингизга
мажбур қилади. Ҳатто кичкина интизомсизлик сизнинг ҳаётий позициянгизга
катта таъсир қилиши мумкин. Сизнинг янги интизомий қоидага амал қилиш
билан боғлиқ ҳиссиётларингиз ўткинчи, муваққат ҳолга асло тушмаслик керак.
Ҳар бир киши интизомли бўлиши мумкин. Сиз бу жараённи аста-секин,
қадамма-қадам бошласангиз бўлади. Руҳлантирувчи куч - бу ишонч ва
интилишдир.
"СИЗ... БУГУНОҚ БОШЛАШИНГИЗ МУМКИН!"
Сиз "Агар қўлимдан келганда эди, эплардим", деманг. Бунинг ўрнига "Агар
истасам, қўлимдан келади!" дейишингиз керак. Янги жараён шунда бошланади
ва катта ишлар кичигидан бошланади. Шундан сўнг ўзингизга олган янги
мажбуриятлардан четлашмасликка ўрганинг! Ана шу биринчи қарашда
арзимас бўлиб туюлган нарсани бошлашдан сиз ўзингизни интизомли деб ҳис
этишга ўргана борасиз. Шу пайтдан бошлаб сизнинг ўсишингизга чегара
бўлмайди.
@bizneslar_olami
@MILLIONER7