177-бап. Туу туралы жазбалар кітабына енгізілетін мəліметтер 1. Баланың туу туралы жазбалар кітабына баланың туған
уақыты, туған жері, жынысы, оған қойылған аты, тегі, əкесінің аты,
сондай-ақ ата-аналарының аты, əкесінің аты, тегі олардың
тұрақты тұратын жері жəне ата-ананың тілегі бойынша олардың
ұлты жазылуға тиіс.
Жазылған жазбаға сəйкес тууы туралы куəлік беріледі.
2. Бала өлі туған жағдайда туу туралы жазбалар кітабындағы
ерекше бағанада тиісті белгі жасалады.
24-тарау. ƏКЕ БОЛУДЫ АНЫҚТАУДЫ ТІРКЕУ
178-бап. Əке болуды анықтауды тіркеу тəртібі 1. Əке болуды анықтауды тіркеу осы Заңның 46-бабының 4-
тармағында көзделген жағдайларда ата-ананың біреуі тұратын
жер бойынша азаматтық хал актілерін жазу органдарында, ал
осы Заңның 47-бабында көзделген жағдайларда əке болуды
анықтау туралы сот шешімі шығарылған жердегі азаматтық хал
актілерін жазу органдарында жүргізіледі.
2. Кəмелетке толған адамдар жөнінде əке болуды анықтауды
тіркеуге олардың келісімімен ғана жол беріледі.
