Грам әдісімен бактериялардың клетка қабықшасының боялу сипатын анықтау. Грам әдісімен бояу. Дат микробиологы Грам (1884 ж.) бактерияларды бояу әдісін ұсынған, бұл әдіс бойынша барлық бактериялар 2 топқа бөлінеді: грамоң және грамтеріс. Грамоң бактериялар препаратты спиртпен өңдеу кезінде генициан көгілдірдің йодпен қосылысын ұстап қалады да, көгілдір түске боялады. Грамтеріс бактериялар бұндай қабілетке ие емес, сондықтан спиртпен түссізденеді. Одан кейін фуксинмен өңдеу кезінде олар ашық қызыл түске боялады. Грам әдісімен бояу нәтижесі дақылдың жасына байланысты болады: ересек дақылдардағы өлі клеткалар грамтеріс боялады. Сондықтан жас тәуліктік дақылдарды қолданған жөн.
