Статистиканың алдына қойған маңызды міндеттерінің бірі – негізгі капиталдардың көлемін, сондайақ олардың құнымен өлшенген тозуын, яғни бағасын анықтау болып табылады. Негізгі капиталдарды бағалаудың өзіне тəн ерекшеліктері бар жəне əрбір объектінің əртүрлі бағасы болады. Əртүрлі бағаның болуы негізгі капиталдардың ұзақ уақыт пайдалануда болуына жəне олардың тозуы мен жұмыс істеу жағдайларында өзгереді. Осыған орай, статистикада негізгі капиталдарды бағалау бірнеше түрлерге бөлінеді жəне оған мыналар жатады: толық бастапқы құны, тозу құны шегерілгеннен кейінгі бастапқы құны, тозу құны шегерілгеннен кейінгі қалпына келтіру құны. Енді осы бағалану түрлеріне қысқаша сипаттама бере кетелік.
