Академиялық адал емес істерді қарау тәртібі

1) оқытушы бұзушылық жасаған студентпен кафедраның бас оқытушысы мен старостаның қатысуымен кездесуі керек. Бұзушылық расталған жағдайда, анықталған бұзушылық туралы акт жасалады және актіге бұзушылықты анықтаған оқытушы, кафедраның бас оқытушысы, топ жетекшісі, сондай-ақ бұзушылыққа жол берген студент қол қояды. Студенттен жазбаша түсініктеме актіге қоса тіркеледі;

2) жазбаша түсініктеме беруден бас тарту немесе жалтару тәртіптік жазаны қолдануға кедергі болмайды.

3) Оқытушы анықталған бұзушылық туралы хабарламаны сол күні кафедра меңгерушісіне жіберуі керек. Кафедра меңгерушісі мәселені келесі күннен кешіктірмей студентке тәртіптік жазаны қолдану туралы шешім қабылданған немес кейінге қалдырғаны жайлы кафедра отырысына қарастырылады. Әрі қарай барлық құжаттардың түпнұсқалары (кафедра мәжілісінің хаттамасы, анықталған бұзушылық туралы студенттің түсініктемесі) анықталған бұзушылық туралы акт жасалғаннан кейін 2 күн ішінде тиісті деканатқа тапсырылады (көшірмелері кафедрада қалады).

4) 1 санаттағы тәртіптік жаза қолданылғаннан кейін студент 48 сағат ішінде апелляциялық комиссияның төрағасына тәртіптік жаза қолдану туралы шешімге наразылық білдіру үшін ұсынуға құқылы.