Сәлемдесу. Оқушыларды түгендеу. Ынтымақтастық атмосферасын қалыптастыру.
Шаттық шеңбері. Оқушылар шеңберге тұрып бір-біріне жақсы тілектер айтып, көңіл-күйлерін көтеруге әрекет етеді.
Топқа бөлу. Оқушылар топқа бөлініп, тақырыпқа қатысты мақал-мәтелдер арқылы бүгінгі сабақты ашады .
1-топ. Аға
Айтысқан ауыл болмас,
Болыспаған бауыр болмас.
2-топ. Бауыр
Інісі бардың тынысы бар,
Ағасы бардың жағасы бар.
3-топ.Іні
Ағайынды жігіттің отарында малы бар,
Жалғыз-жарым жігіттің шығыр-шықпас жаны бар.
4-топ.Төте бауыр
Бауыр шырын, бас тәтті,
Ағайынмен ішкен ас тәтті.
Сабақтың тақырыбын болжату. Ой қозғау.
- Бауыр деген кім?
Жауап: Бір әкеден туған және жақын туысқан адамдар бауыр деп аталады. Бір әкеден туған ағайын адамдарды туған бауыр, ал әкелері ағалы-інілі болса төте бауыр дейді.
-Бауыр мен достың айырмашылығы қандай?
Жауап: Ағайын-бауырларда бірге тумақ — бар да, бірге жүрмек жоқ. Достарда бірге тумақ жоқ та, бірге жүрмек — бар. Сондықтан, кейде жақын достарың бауырдың орнын басады.
- «Ағасы бардың жағасы бар,
Інісі бардың тынысы бар» деген мақалды қалай түсінесіңдер?
Балаларды сабақтың тақырыбы, мақсатымен таныстыру.
Үй тапсырмасын тексеру.
Әңгімені толық оқыған не оқымағанын тексеру мақсатында «Дұрыс-бұрыс» ойыны ойнатылады. Оқушылар қағаздың екі жағына дұрыс/бұрыс деп жазады. Мұғалім сұрақтарды рет-ретімен оқиды, қай сұрақтың жауабы дұрыс болса, оқушылар парақтың дұрыс деген жазуын, ал жауап қате болса, бұрыс деген жазуын көтереді.
1. Қалидың ағасы – Манап. - дұрыс
2. Директордың аты-жөні - Эльжбета Сергеевна. - бұрыс
3. Қалидың фамилиясы – Төрекелдиев. – дұрыс
4. Қали ән айтып, би билегенді ұнатады. – бұрыс.
5. «Ойнайтын да, қайнайтын да спорт залымыз осы. Балалар қазір жаттығып жатыр. Орындыққа тізе бүгіп, тоса тұрыңыз. Мен Қалиды ертіп шығайын». Виктория Ивановнаның сөзі. – бұрыс.
6. «Тығыз қара шашы ұсақ-ұсақ бұйра, қол-аяғы таралып қалған, кең иықты болмаса да ешкімнен қарызға жауырын сұрай қоймайтын кішірек көзді ақ сұр бала». Манаптың портреті. – бұрыс.
7. «Түу, Эльжбета Сергеевна, терді жаңа ғана үгіп, тырыс-бырысты жаза бастағанымыз сол еді. Басқа қолайлы уақыт табылмады ма?». Қалидың сөзі. – дұрыс.
8. Қали жетінші сыныпта оқиды. – бұрыс.
9. Балалар үйі Өскеменде орналасқан. – дұрыс.
10. Әңгімеде «Жетім көрсең, жебей жүр» мақалы кездеседі. – бұрыс.
|
Сұрақтар жазылған парақша
|
