Магнит өрісінің негізгі қасиеттері

• 
  Магнит өрісін магниттелген денелер, тогы бар өткізгіштер және қозғалыстағы зарядталған денелер тудырады;
  
• 
  Магнит өрісінің күш сызықтары тұйықталған;
  
• 
  Магнит өрісі құйынды өріс (күш сызықтары тұйықталған өріс).
  

Біз магнит өрісінің тұрақты магниттер айналасында болатынын білдік. Енді магнит өрісінің негізгі қасиеттерінде айтылғандай тогы бар өткізгіш айналасында да магнит өрісі болады екен. Оны сендер арнайы берілген суреттегі тапсырмаға сүйене отырып үйден орындайсыңдар. Тәжірибе бойынша өз ойларыңша қорытынды жасайсыңдар.

1. 
   Темір ұнтағын қағаз стақанға салып, оның ішінде магнитті енгізіңдер;
   
2. 
   Магнитті шығарып алып, магниттің әр жеріне темір ұнтақтарының қалай тартылғанына назар аударыңдар;
   
3. 
   Үстел үстіндегі магнитті бір парақ қағазбен жауып, оған жұқалап металл ұнтағын себіңдер;
   
4. 
   Темір ұнтақтарының орналасуының суретін салыңдар
   

5. 
   Магниттің полюстерін анықтаңдар.(магнит тілшесін немесе компасты пайдалануға болады)Төмендегі суреттегі ақ түсті бос орындарға магнитің екі полюсін белгіле.
   

6. 
   Екі жолақ магниттердің аттас полюстерін жақындатыңдар. Бақылағандарыңды түсіндір;
   

7. 
   Пайда болған магнит сызықтарына назар аударып, олардың суретін салыңдар.
   

8. 
   Екі жолақ магнитті бір-біріне әр түрлі ұштарына апарыңдар. Бақылағандарыңды түсіндір;
   

9. 
   Пайда болған магнит сызықтарына назар аударып, олардың суретін салыңдар.
   

10. 
    Тәжірибе барысында бйқаған алған білімдеріңді пайдаланып қорытынды жасаңдар.