II «Отан үшін отқа түскендер» деректі фильмнен үзінді.
III Ұлы Жеңіске мың тағзым! (жеңіс туралы әндер, өлеңдер оқу)
Талай құс содан бері қайта оралды,
Талай бақ әлеміне қайта оранды.
Жеңіс деген жақсылықтың сыңары,
Жігер менен құштарлықтың құралы.
Күрескердің арманы мен ұраны,
Қуаныш пен мерекенің бұлағы..
Жер жүзінде нұр шашып Жеңіс күні
Жақсы үміттің шырағы жанды міне,
Аспан бетін қаптаған қара тұман
Серпіліп зұлымдықтың сәнді түні.
Қамықпаған қиындықтың түгінен,
Өздеріңе жинап қырдың гүлінен.
Бүгінгі ұрпақ бақытты ұрпақ атынан
Құттықтаймыз Ұлы Жеңіс күнімен!
Дәл осынау жадыраңқы жай күні,
Болса дағы қай ғасырдың қай жылы.
Ұлы Отаным басын иіп бір минут,
Есіне алмақ сол бір апат қайғыны
(1 минут үнсіздік жарияланады)
IV «Халықтың ерлігі – мәңгі есімізде» (Мәншук Маметова, Әлия Молдагулова, Бауыржан Момышұлының ерлігі)
1-оқушы:
Қазақ арасында осы соғыста ерекше қаһармандық танытқан батырдың бірі әрі бірегейі – Бауыржан Момышұлы.. Б.Момышұлы соғыс кезінде 207 рет шайқасқа қатысып, 2 рет ауыр жараланды. Басшылық тарапынан бірнеше рет Кеңес Одағы батыры атағына ұсынылады. Ол 37 дәптер күнделік жазған батыр, бейбіт өмірдің қаруы қаламды алып қазақ және орыс тілдерінде көптеген кітаптар жазады. «Артымызда Москва» кітабы Кубаның бүкіл әлемге белгілі басшысы Фидель Кастроның сүйіп оқитын кітабына айналды.
Достарыңызбен бөлісу: | 
