Иа, Ақанның өмір жолы қызықты әрі ерекше. Өмірінің соңғы кезінде жауыздықпен мұңдасты. Оның бұл қылығы өзінің қатігез заманына мойынұсынбай өткен тәкаппар ақынның бейнесін танытады. Тіршіліктің ұсақ- түйегіне алданбай, бойын тік ұстап кетті. Сондықтан да Ілияс «Тұсында сері болсын, пері болсын. Ұнайды өмірімен Ақан маған».-деп кейіпкеріне деген ілтипатын жасырмай, ашық айтқан. Ақан өмірі- өнер адамының, жалпы адамның рухани тазалығының үлгісі, өнердің тіршілік тартысынан жоғары тұрғанынының белгісі. Ақан- өз кезіндегі әнші-ақындар тобының аса көрнекті өкілі. Әлеуметтік өмірдің өзекті мәселелерін өлеңіне арқау еткен Ақан өнерімен де, ерлік өмірімен де кейінгі ұрпаққа, туған халқына үлгі бола білді. «Халық жадында Ақан мен Құлагер есімі егіз ұғым болып мәңгі қалмақ!» деген ұранды сөздер соның бір айғағы.
