Шахмат тарихы Шахмат (парсы тілінде шах – тақсыр және араб тілінде мат – өлді) – ғылыми ақыл-ой және халық шығармашылығы негізінде пайда болған спорт ойыны. Шахмат тақтасы ақ және қараға боялған бірдей 64 шақпаққа бөлінеді. Ойын V ғасырда Үндістанда шыққан, Чатуранга деп аталды. Яғни төрт құрамды әскер, төрт патша ойыны дегенді білдіреді. VIII-IX ғасырда шахмат туралы еңбектер жазылған. Сол кезде арабтар жаулап алған Испания арқылы Еуропаға тарады. XVI ғасырда Испанияның, Италияның, Франция мен Англияның шахматшылары өз зерттеулерімен шахматтың дамуына үлес қосты. Ойнау логикасы зейінділікті дамытуға, әр алуан варианттарды жылдам әрі дәл есептей білуге, жеңіске жетуге деген ерік-жігерді қалыптастыруға және басқа да моральдық қасиеттерді тәрбиелеуге көмектеседі.
Ғасырлар бойы елге аса танымал болған шахматтан ресми әлем чемпионаты 1886 жылы өтті. Одан бері 14 шахматшы ғана жоғары дәрежелі атақты иеленді. Даңқты чемпиондар деген бірінші болып ауызға Стейниц пен Ласкер, Капабланк, Алехин,әлем чемпионы Ботвинник ілінді.
Ғасырлар көшіне ілесіп, өркениетті басып озып келе жатқан шахматтың тарихы әркімді-ақ қызықтырары даусыз.
