Ғылыми жаңалығы: жұмыстың ғылыми жаңалығы көзделген мақсат пен
міндеттің іске асырылуы барысында айқындалатыны белгілі. Қазақ
әдебиеттануы ғылымында алғаш рет новелладағы детальдың көркемдік
қызметіне жүйелі түрде анализ жасалды. Осыған орай жұмыстың нақты
ғылыми жаңалығы ретінде төмендегідей қол жеткізген нәтижелерді айтуға
болады:
- зерттеу жұмысында қазақ прозасындағы новелла жанры алғаш рет
ғылыми-зерттеу нысанына алынып, оның даму, қалыптасу жолдары
айқындалды;
- новелла жанрының негізгі белгілері мен ерекшеліктері көрсетілді;
- қазақ әдебиетіндегі новелла жанры алғаш рет тұтастықта қарастырылып,
ондағы детальдардың (заттық (тұрмыстық), пейзаждық, портреттік, іс-қимыл,
тілдік) көркем шығармадағы қызметі анықталды;
- новеллистердің детальдың көркемдік қызметін шеберлікпен қолдану
мәселесі жайында алғашқы ғылыми тұжырымдар жасалды.
