"Қаракемер кәсіптік колледжі" МКҚК Ұстаздар күніне арналған мерекелік кеш сценарий
Фанфар ( Ортаға 5 оқушы шығады қолдарында әріптері бар)
1 — оқушы: Сәлем бердік ұстаздар баршаңызға,
Сіздермен тола берсін ортамызда.
Бүгінгі ел басқарған азаматтар,
Білім алған сіздердің арқаңызда.
2— оқушы: Ұстаздарым биік тұлға байсалды,
Құшақ жайып өз мерекең қарсы алды.
Қуанышты жарқын тілек білдіріп
Құттықтаймыз, ұстаздарым баршаңды.
3— оқушы: Ұлы өмірге жетелеп,
Ашқан білім есігін
Құрметтейік мәпелеп
Ұстаздардың есімін.
4— оқушы: Келешекке алтын бақ,
Қосар таудай үлесін.
Жасай берсін жарқылдап,
Ұстаз атты ұлы есім..
5— оқушы: Ұстаз сөзін айтып жүрдік ән қылып,
Одан басқа жүрген кім бар жанды ұғып.
Ұстаз деген – ұлылардың ұлысы,
Қасиетіне бас иейік мәңгілік!
Ұ — ұлағатты С — сыйлы Т — талантты А — ақылшы З — зерек Ұстаздар, мерекелеріңіз құтты болсын! (бәрі бірге) ХЛОПУШКА-2 ФАНФАР!!!
1 — жүргізуші: Адамдықтың шегінен аспайтұғын – ұстазым.
Адалдықтың жолына бастайтұғын – ұстазым.
Қылығына шаланың саспайтұғын – ұстазым.
Құпиясын баланың ашпайтұғын – ұстазым.
Қиындықты жеңуден қашпайтұғын – ұстазым.
Әзіл-қалжың айтып та тастайтұғын – ұстазым.
1 — жүргізуші: Дей келе, бүгінгі мерекелік кешімізді ашық деп жариялаймыЗ! Армысыздар, аса қадірменді Қаракемер кәсіптік колледжінің ұстаздар қауымы мен студенттері!
2-жүргізуші: Айдос, Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ. Ұстаз -ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.
Ақырын жүріп анық бас.
Еңбегің кетпес далаға
Ұстаздық еткен жалықпас,
Үйретуден балаға, — деп Абай атамыз айтқандай, шәкірттерінің өзінен озғанын калаған ұстаздар қауымы, мерекелеріңіз құтты болсын!
