| Рой Харродтың экономикалық өсу үлгісі - экономикадағы функционалдық байланыстарды сипаттайтын теңдеулерге және кәсіпкерлердің психологиялық тәртіптерін талдауға сүйенетін, әрі инвестициялық факторды есепке алатын теңгерімді экономикалық өсудің неокейнстік үлгісі.
Сонымен, Е. Домар мен Р. Харрод үлгілеріндегі экономикалық өсуді көрсететін динамикалық тепе-теңдік тұрақсыз болып табылады. Сондықтан экономиканы мемлекеттік реттеудің қажеттілігі туындайды. Домар үлгісінде параметрі және Харрод үлгісіндегі а параметрі техниканың дамуымен анықталғандықтан, мемлекет Sү көрсеткішіне ақша-несие саясатының әдістері арқылы әсер етеді. Үлгілердегі аталған параметрлердің біреуінде теңсіздік орын алса, онда бүкіл жүйенің тепе-теңдігі бұзылуы мүмкін. Үлгілердегі динамикалық өсу тепе-теңдігінің тұрақсыздығы үнемі орын алатындықтан, Домар мен Харрод үлгілері ортақ күйінде «ұстараның ұшы» үлгісі деген атауға ие болған.
Домар мен Харрод үлгілері Кейнстің негізгі макроэкономикалық үлгісін ұзақ мерзімдік экономикалық өсу түрғысынан дамытқан алғашқы үлгілер болып табылады. Кейір әдебиет көздерінде, Домар мен Харрод үлгілеріндегі болжамдар бір-біріне ұқсас болғандықтан, оларды біріктіріп Харрод-Домар үлгісі деп те қарастырады.
1950-жылдары, экономикалық өсудің неоклассикалық үлгілері кеңінен қолданыла бастады, мұндағы басты жетістігі ретінде өндіріс факторларының өзара ауыстырыла алу қасиетіне өндірістік функциялар саналды.
Достарыңызбен бөлісу: |
