СӨЖ және ОБСӨЖ ұйымдастыру жайлы жалпы мәліметтер

Студенттердің өзіндік жұмыстары (СӨЖ) оқу жұмысының бөлігі болып, таңдалған мамандық бойынша тағайындалған біліктілікке ие болу үшін керек болған іс тәжірибелік дағдыны меңгеріп алуға мүмкіндік береді.

СӨЖ орындаған кезде студент оқу процесінің белсенді қатысушы ретінде шығады, ол өз кезегінде оқытудың максималды жекеленуіне қол жеткізуге мүмкіндік береді.

СӨЖ қарастырады:

-ғылыми және музыкалық әдебиеттер мен жұмыс істеу дағдысын меңгеріп алу, ақпаратты өз бетімен іздеу, ғылыми-зерттеу және шешімдерді қабылдау творчестволық қабілетін дамытуды;

-еңбек сүйгішті, мақсатқа бейімділікті тәрбиелеуді, жұмыс уақытын жоспарлап ұйымдастыруға;

-үй жұмысы, бақылау жұмыстарын орындау кезінде практикалық сабақтарға, коллоквиум және семинарға дайындалуда оқу материалын тереңдетіп бекітуді.

Кредиттік жүйе студенттердің өзіндік жұмысы (СӨЖ) ұйымдастырылуы мен бақылауын өте жоғары сапалы болуын талап етеді. СӨЖ - бұл аудиторияда және аудиториядан тыс орындалатын ағымдағы тапсырмалар, жағдайларды талдау, жеке және топтық жобаларды жасап шығару, реферат, курстық және диплом жұмыстары және т.б. Бұл жұмыстың бір бөлігі аудиторияда оқытушының басқаруымен орындалады.