Үшінші бөлім АЛАТАУ БАУРАЙЫНДА «Біздің республика ұлан-ғайыр жеріне орай табиғи байлыққа ие. Оның қойнында неше түрлі қымбат қазына жасыры- нып жатыр. Соларды іздеп тауып, үнемдеп әжетке жарату, тегінде, халқымыздың тұрмыс күйі мен рухани өсу деңгейін анықтайды. Әл-қуатымыз күшейіп, тірліктің көркеюі де, әсілі, осыған байланысты...» Академик Қ.И. СӘТБАЕВ, 1958 жыл «Бүгінгі күннің төрінен қарағанда, мен үшін шүбәсіз шындық: Қазақстан ғылымының жолы әуелден-ақ құтты болды; өйткені оның негізін бекемдеумен Сәтбаев айналыс- ты. Жазмыш оған алыс келешекті көру қасиетін дарытқан және оның ақ ниеті мен шексіз тазалығы қандай да іспен емін-еркін шұғылданып, ойдағыдай шешілуіне жол ашатын. Тарихтың шұғыл өзгеріске душар ететін елеулі кезеңдерінде қауым оқиғалардың алдыңғы шебіне аса көрнекті қайраткер адамдарды шығарады, ал олар туған елінің тағдыр-талайы хақындағы күллі жауапкершілікті өз қолына алудан бас тартпайды. Өз уақытынан көп жылдар ілгеріге озып жүруді маңдайына жазған Қаныш Имантайұлы тап осындай аяулы жан еді...» ҚР ҰҒА-ның академигі Ш. ШӨКИН, 1992 жыл «Металлогениялық карталарды жасап, соның басты қағи- даларымен әдістерін айқындау ісінде академик Қ.И. Сәтбаев ғылымға енгізген металлогениялық талдау геология ілімін кезінде елу жыл алға оздырды. Ол жеткен деңгей бүгінде де өзгерген жоқ, әлі де елу жыл алда тұр...» Ресей ҒА академигі Н.А. ШИЛО, 1999 жыл
