Картель – бұл нарықты бөлу мен ақша саясатын өзара келісетін комерциялық жеке кәсіпкерлер мен заңды тұлғалар арасындағы келісім шарттар (тауар, қызмет көрсету бағасы, нарық аудандарын бөлу, өндіріс мөлшері).
Мұнда ірі фирмалар өзіне ұқсас кәсіпорындармен заңдық келісімге келеді. Бұл келісім контракт түрінде, сондықтан оның мүшелерінің құқықтары тең және өзіндігін жоғалтпайды. Монополистік пайда болудың картельдік формасы өміршең болғанын ескере кетуге болады.
Қазіргі таңда экспорттық, импорттық аймақтарда заңды әрекет етуші картельдермен бірге заңсыз картельдер де әрекет етеді. Оларға ОПЕК (мемлекеттік мұнай компаниялары арсындағы картельдік келісім), «Семь сестер» (батыстың бастаушы жеті мұнай компанияларының мұнай картелі). Картельдік келісім тәртіп бойынша антимонополисттік заңдардың әрекетіне ілігеді, сондықтан олар көбінесе өзара келісімге келеді.
