Тақырып: Негізгі бөлімді жазу
Қарастырылатын сұрақтар:
1.Негізгі бөлім туралы түсінік
Мақсаты: Негізгі бөлімді жазуды сипаттау. Негізгі бөлімді жазу үдерісін талқылау.
Кіріспе бөлімнен кейін эссенің тақырыбын талқылайтын, зерттеу сұрағына жауап беретін, негізгі тұжырымдар жазылады, ол әрине – негізі бөлім. Негізгі бөлім тақырыптың негізі болғандықтан көлемі жағынан барлық жұмыстың 88% қамтуы мүмкін. Негізгі бөлімді жазу үшін талқыланып, талданатын тұжырымдарды жоспарлап және оны жүйелеп алу қажет.
Ол үшін мынадай қарапайым жайттарды жүзеге асыруға тура келеді:
Зерттеу тақырыбына байланысты материалдарды жинақтау;
Материалдар ішінен тақырыпқа байланысты мағлұматтарды жазып алу немесе белгілеп қою;
Табылған материалдарды тақырыпша бойынша топтастыру;
Топтастырылған тақырыпшаларға қарай шағын жоспар құру.
Негізгі бөлім жоспарын құрап алмас бұрын жалпы жазылған жұмыстың жоспарын құрып алған дұрыс. Ол жазба жұмысының тақырыпқа және көлеміне сай жазылуына үлкен әсерін тигізеді.
Негізінен шағын эссенің жоспарының құрылымын былай бөлуге болады:
І. Кіріспе
ІІ. Негізгі бөлім
А. Бірінші параграфта қозғалатын тұжырым
В. Екінші параграфта қозғалатын тұжырым
ІІІ. Қорытынды
Негізгі бөлім параграфтардан тұрады және әрбір параграф тақырыпқа байланысты жекелеген ойларды қамтиды.
Әдетте негізгі бөлімді жазу үдерісі мынадай болуы мүмкін:
Негізгі бөлімде қарастырылатын мәселені жоспарлап алғаннан кейін параграфтар жазуға кірісу. Параграфты алдыңғы параграфпен байланыстыруды ұмытпау.
Сөйлемдерің қандай мазмұнда болатынын ойланып отыру, келесі сөйлемдерде дамытылып, отыруы тиіс.
Аяқталған сөйлемді оқып отыру.
Негізгі бөлімді оқып, жоспарымен сәйкес келуін тексеру, тақырыптан ауытқымай жоспарға сай жұмыс жасалып жатқандығын тексеруге мүмкіндік береді.
Басқа адамға оқытып, талқылау. Ол жұмыстың қателіктері қаншалықты түсінікті, қызықты екені туралы айтып бере алады.
Негізгі бөлімнің құрылымы жұмысының зерттеу тақырыбына байланысты. Мәселен, сипаттамалық эссе нысанды, оқиғаны, үдерісті сипаттау және түсіндіру мақсатында жазылады. Аргумент эссе таразыланған көзқарас немесе белгілі тұжырымға оқырманды сендіруге бағытталады.
Достарыңызбен бөлісу: |
