Қажетті материалдар: сериялы суреттер. Студенттерге сурет көрсетіліп, әңгімелетіледі. Қажет болған жағдайда әңгіменің жаңа сөздерін алдын ала үйретуге болады. Сурет әңгіменің бір бөлігі екені ескертіледі. Студенттерге суретте бейнеленген сәттің алдында не болғаны және кейін не болатыны болжатылады. Студенттердің өз нұсқалары тыңдалғаннан кейін әңгіменің толық нұсқасы оқып беріледі.
Студенттер өздері құраған әңгіме мен әңгіменің шынайы сюжетін салыстырады. Студенттерге әңгімедегі негізгі ойды табу тапсырылады.
Неге? Неге? Неге?
Студенттер шеңбер бойымен тұрады. Жүргізуші осы сабақта не үйренгенін айтады және соңғы сөйлемін «неге?» деген сұрақпен аяқтайды. Келесі студент сол сұраққа жауап беріп, қасындағы әріптесіне «неге?» деген сөзі бар сұраулы сөйлем айтады. Келесі ойыншылар да осы әрекеттерді тізбек
бойынша жалғастырады. Ойынның соңында студенттер орындалған тапсырмаларды еске түсіріп, олардың түйінді тұстарымен ой бөліседі.
Достарыңызбен бөлісу: |
