Есімшенің -ар, -ер формалары арқылы сөйлемнің хабарлы-болжау реңкі беріледі. Мысалы: Қыздың көмейіне оның ар жағы не болды де- ген сұрақ та келген болар (Ə.Нұршайықов). Ғалымның айтуынша, бұл
тұлғалар арқылы жасалған хабарлы сөйлемдердің модальді реңкі жақ
санатымен бірге келсе, контекстік сипат алады. Мəселен, осы тұлғада
келген хабарлы сөйлемдердің мазмұны бірінші жақта баяндалса немесе
субъектінің ішкі ойынан бастау алып жатса, жорамалдау реңкі күшей-
тіледі. Ал -ар, -ер формалары арқылы берілген екінші жақтағы ақпарат
берілсе, субъектінің күдікті көзқарасы басым болады.
-ау, -еу демеуліктері де кейде хабарлы сөйлемнің модальділігін арт-
тырады: Бұл тұста Кеңгірбай ісі ашылатын боп отыр-ау (М.Əуезов).
Бұл формалардан басқа ғалым хабарлы сөйлемнің модальді реңк-
терінің берілу жолдарын атап көрсеткен. Сонымен қатар зерттеуші атал-
мыш сөйлемнің модальділігін талдауда контекстік салыстырулардың қа-
жеттігіне баса назар аударады.
