Сұлтанәлі Балғабаев
жүктеу/скачать 66,43 Kb.
|
- Бұл бет үшін навигация:
- МЭЛИС ӘЛІБАЕВИЧ
- АСАЙ МҮСЕЕВИЧ
| АСАЙ МҮСЕЕВИЧ. Не?!
МЭЛИС ӘЛІБАЕВИЧ. Қалай қарсы алады дейім?! Кім?! Черномырдин бе?!. Чубайс па?!. АСАЙ МҮСЕЕВИЧ. /жылап жібере жаздап/. Мэлис Әлібаевич, сізге не болған?! Есіңізді жисаңызшы!.. Ертең біздің Академияға жиналыс... үкімет қатысатын жиналыс... Ал біз болсақ әлі мұнда жұрміз!.. МЭЛИС ӘЛІБАЕВИЧ. Жиналыс дейсіз бе?! Ондай жиналысты менімен келіспей өткізуге Академияның қандай хақысы бар?! Осы мен Академияның басшыларын түсінбеймін... Ақша керек болса жүгіріп келеді... Үй керек болса жүгіріп келеді... Ал жиналыс өткізетін болса бір ауыз сөз айтпайды!.. Ақылдаспайды!.. Бұл не сонда?! Айтпақшы, Асай Мүсеевич, сіз осы Президент болуға қалайсыз?! АСАЙ МҮСЕЕВИЧ. Не?! МЭЛИС ӘЛІБАЕВИЧ. Академияға президент болуға деймін?... Осы жөнінде ойланып көріңізші! По моему, сізден артық кандидатура жоқ! АСАЙ МҮСЕЕВИЧ. Ойбай-ау, қайдағы президент?!. Қайдағы президент?!. Ол түгіл корреспондент – мүше болайын деп тұрғанда мұрттай ұшырған жоқ па?! МЭЛИС ӘЛІБАЕВИЧ. Ничего!.. Президент болсаңыз бітті, бәрі шешіледі. Тіпті, өздері жалынып жүріп академик жасайды. Білем ғой оларды!.. АСАЙ МҮСЕЕВИЧ.Жақсы... жақсы, оны кезінде көреміз... Ал қазір мынау пойыз... пойыз мәселесі!.. МЭЛИС ӘЛІБАЕВИЧ. Туһ, Асеке!.. Не надо переживать!.. Пойыз болса пойыз-ақ болсын!.. Өзіңіз де жақсы білесіз, біздің баяғы көсемдеріміз пойызбен жүруді жақсы көрген!.. Иосиф Виссарионович!.. Никита Сергеевич!.. Шаяхметов!.. Пойызбен бүкіл союзді аралаған... Барлық қалада... барлық вокзалда митинг өткізген!.. Айтпақшы келесі тоқтаған жерде митинг бола ма? АСАЙ МҮСЕЕВИЧ. Қайдағы митинг айтып тұрғаныңыз?! МЭЛИС ӘЛІБАЕВИЧ. Асай Мүсееевич, бұл жарамайды!.. Әрине, бұрынғы көсемдерді жамандаған да дұрыс... Бірақ олардың жақсы жақтарын да үйрену керек!.. Сондықтан да қане, бір митинг жасап жіберейік!.. /айналасына қарап/. Қайда бұл халық?!. АСАЙ МҮСЕЕВИЧ. Халық жоқ!.. Халық ұйықтап жатыр!.. МЭЛИС ӘЛІБАЕВИЧ. Ұйықтап жатыр?!. Неге ұйықтайды?!. Неге ұйықтайды?!. Жалпы бар ғой, біздің халық ұйқыны жақсы көреді! Өзгелердің бәрі әлдеқашан тұрып, оянып тірлік жасап жатыр!.. Ал біз болсақ... біз болсақ... /ұран салғандай етіп/. Оян, қазақ!.. Оян, қазақ!.. Осыны айтқан мен емеспін ғой дейім, ә?! жүктеу/скачать 66,43 Kb. Достарыңызбен бөлісу:
|