М. Мағауиннің «Тазының өлімі» хикаяты
Прозадағы сюжет мәселесі: «Тазының өлімі» хикаятында ауыл өмірі суреттелген. Қазақтың басқа да ауылдары сияқты тіршілік кешіп жатқан ауылдағы оқиғалар арқылы жазушы адамдар арасындағы тұрмыс-тіршілікті суреттейді. Қазы мен тазы Лашын арқылы қазақ халқының салт-санасын, әдет-ғұрпы мен аңшылық, саятшылық өнердің қыр-сырын көрсетеді. «Тазының өлімі» шығармасындағы негізгі оқиға желісі тазының күшік күнінен бастап, ең ақырғы өлімі арқылы тақырып ашылады.
Тақырыбы: Қазақтың аңшылық, саятшылық өнерін суреттеу
Идеясы: тазы Лашынның иесіне деген адалдығын суреттеу арқылы, жеті қазынаның бірі болған құмай тазының көрінісі арқылы ұлттық құндылықтарды жандандыруға дәріптеу.
Композициялық құрылысы: Басталуы: Әділдің күшікті асырауы
Байланысуы: Алғашқы аңшылықтың суреттелуі
Шиеленісуі: Азулы қасқырдың жеңілісі
Шарықтау шегі: Иесінен айырылған Лашын
Шешімі: Қыр басындағы Лашынның аянышты өлімі
Шығармадағы негізгі кейіпкерлері: Әділ – Кұшікті алғаш асырап алған адам.
Қазы – тазыны аңшылыққа үйреткен, оның жан жолдасы болған иесі, Әділдің баласы.
Лашын – құмай тазы, шығармада иесіне деген адалдығымен, аңшылық өнерге бейімделген тазы ретінде суреттеледі.
