Фазалық ығысу бұрышын элипс әдісімен өлшеу
Егер генератордан шығатын кернеу жиілігін өзгертетін болсақ, онда фаза ығыстырғыш құрылғының кірісі мен шығысындағы сигналдардың арасындағы фазалық ығысу бұрышы өзгереді. Фазалық ығысу бұрышын анықтау үшін Лиссажу фигурасын алуымыз керек, бұл жағдайда Лиссажу фигурасы элипс формасына ие болады. Экранда пайда болған элипстің кіші диаметрі Lab қимасына, ал оның абсцисса осіне проекциясы Lcd қимасына тең болса, онда осы қималардың қатынасының синусы екі сигналдың арасындағы фазалық ығысу бұрышына тең болады, яғни
Жоғарыдағы 1.10.4-суреттен екі электрлік сигналдар арасындағы фазалық ығысу бұрышын элипс әдісімен өлшеу схемасы 1.10.4-сурет, а мен экранда пайда болатын элипстің кескінінен фазалық ығысу бұрышының 1.10.4-сурет, б қалай анықталатындығын көруге болады.
ГЛОССАРИЙ
Активті шама – көмекші энергия көздерінсіз өлшеу ақпараттық сигналдарын қалыптастыра алатын физикалық шама (механикалық күш, электр қозғағыш күші және т.б.).
Пассивті шама (мысалы, масса, электр кедергісі, индуктивтілік) – өздігінен өлшеу ақпараттық сигналын қалыптастыра алмайтын шамалар.
Өлшеу - белгілі бір физикалық шамамен оның өлшем бірлігі ретінде қабылданған мән арасындағы сандық қатынасты іс жүзінде анықтауға арналған ақпараттық процес.
Ақпарат – объект туралы алғашқы белгісіз білімдерді азайтуға ықпал жасайтын мәліметтер жиынтығы.
Өлшеу эксперименті – қандайда бір нақтылықпен өлшеу нәтижесін анықтауға арналған, ғылыми тұрғыда негізделген әдіс.
Өлшеу нәтижесі – өлшеу жабдығы көмегімен эксперимент арқылы алынған физикалық шаманың өлшем бірлігі бар сан мәні.
Өлшеу жабдығы – өлшеу экспериментін жасауға арналған мөлшерленген нақтылық сипаттамасы бар техникалық құрылғы.
Cигнал – ақпараттың материалдық тасымалдаушысы.
СИ – халықаралық бірліктер жүйесі – SI (System International).
Достарыңызбен бөлісу: |
