Солтүстік Қазақ жазығы Қазақстан жерінде Орал тауларынан Алтайға дейін ені 200-250 км жіңішке алапты жазық. Ол оңтүстіктен солтүстікке қарай еңіс, яғни ылдилай береді. Оңтүстігінде Сарыарқамен шектеседі. Мазмұны
Солтүстік Қазақ жазығы[өңдеу]
Уикипедия — ашық энциклопедиясынан алынған мәлімет
Солтүстік Қазақ жазығы - Қазақстан жерінде Орал тауларынан Алтайға дейін ені 200-250 км жіңішке алапты жазық. Ол оңтүстіктен солтүстікке қарай еңіс, яғни ылдилай береді. Оңтүстігінде Сарыарқамен шектеседі.
Мазмұны [жасыру]
1Жер бедері мен геологиялық құрылысы
2Бөліктері
2.1Есілдің жазық орманды даласы
2.2Тобыл-Обағанның жазық даласы
2.3Есіл-Ертіс даласы
2.4Ертіс - Құлынды жазығы
3Пайдалы қазбалары
4Климаты
5Өзендері мен көлдері
6Топырағы, өсімдіктері
7Жануарлары
8Ұлттық саябақтары мен қорықтары
9Шаруашылыққа игерілуі және ылғал тапшылығы
10Дереккөздер
Жер бедері мен геологиялық құрылысы[өңдеу]
Жазықтың оңтүстіктегі биіктігі 200 м, солтүстігінде -100 м. Солтүстік Қазақ жазығы палеозойдың қатпарлы-жақпарлы тұғырының үстінде жатқан палеогеннің теңіз және неогеннің континенттік шөгінділерінен тұрады. Кайнозой эрасында теңіз тартылып, қазіргі жер бедері қалыптаскан. Жер беті біркелкі тегіс. Өзендері сирек. Сондықтан да көп тілімделмеген. Ондаған тұйық қазаншұңқырлар ғана ұшырасады. Олардың көбін тұзды көлдер алып жатыр. Кей жерлерде биіктігі 15 м-ге дейін көтерілетін жалдар кездеседі.
Бөліктері[өңдеу]
Ішкі ерекшеліктеріне сәйкес Солтүстік Қазақ жазығының Қазақстандық бөлігі төрт ауданға бөлінеді:
Есілдің жазық орманды даласы
Тобыл-Обағанның жазық даласы
Есіл-Ертіс даласы
Ертіс-құлынды жазығы
Есілдің жазық орманды даласы[өңдеу]
Есілдің жазық орманды даласы Есіл өзенінің екі жағын жағалай, Солтүстік Қазақстан облысының жерінде орналасқан. Бұл көлді жазық сазды жыныстардан түзілген, бетін континенттік, әсіресе өзен шөгінділері, палеогеннің жыныстары басқан. Жазықтықтың ең биік беті 130-140 м-ге жетеді. Онда көл көп, батпақты, тұзды қазаншұңқырлар да баршылық. Жер бетін шалғын, қара топыракты даланың өсімдіктері басқан. Ормандары негізінен қайың мен теректен тұрады.
