Стамбекова жазира курмангалиевна
Оқу-жағдаяттық ойын: «Мен әзірлеген авторлық инновациялық жүйе»
жүктеу/скачать 6,09 Mb.
|
| Оқу-жағдаяттық ойын: «Мен әзірлеген авторлық инновациялық жүйе»
Оқу-жағдаяттық ойынның міндеттері: болашақ бастауыш сынып мұғалімдерінің инновациялық әрекетке даярлығын оқу-жағдаяттық ойын негізінде дамыту; бакалаврлердің шығармашылық-инновациялық ойлау қабілетін дамыту; бакалаврлердің кәсіби және сыни ойлау қабілетін дамыту; инновациялық жүйеге сарапшы ретінде қабілетін дамыту (кесте 18). Кесте 18 – Оқу-жағдаяттық семинардың құрылымы
18 – кестенің жалғасы
Бұл оқу-жағдаяттық ойынды өткізу барысында бакалаврлердің инновациялық үдеріске, инновациялық әрекетке қарай бетбұрыс жасауы ерекше болды деуге болады. Өйткені, студенттер өздері еңбектеніп ізденіп, терең еңбек пен танымдық ізденістің ерекше қуатын таныды әрі танытты. Бірінің-бірі білімін толықтырып, педагогикалық, білім алу таланттарын іске асырды. Сонымен бірге, студенттердің оқу-жағдаяттық ойын процесінде ғылыми-әдіснамалық біліміне сүйене отырып «авторлық инновациялық жүйе» құрастыру, ғылыми негізге сүйене отырып «сарапшы» болу, теориялық білімін тірек етіп «мектеп басышысы» немесе теория мен тәжірибеге негізделген «әріптес мұғалім» ретінде пікірлерін айту, тіпті «журналист» болудың өзінде интервью алмақшы болып тұрған мәселе туралы жан-жақты хабардар болуы керектігін саналылықпен түсініп орындауы – барлығы ойын-сабақты шынайы өмірдегі ізденіске айналдырды. Біздің ойымызша, педагогтердің өздерінің инновациялық әрекетін теориялық тұрғыдан түсінуі немесе түсінбеуі – жүйелілікпен инновациялық әрекетке етуге не себін тигізетін, не кедергі келтіретін мәселе. Болашақ бастауыш сынып педагогтерінің өзіндік инновациялық жүйенің авторы болуға талпынысында теориялық білімі мен соған сүйеніп әзірлеген немесе пайдаланған практикалық әдістерінің үйлесімді тұтастық байқалды. Бұл сабақ та біз әзірлеген әдістемелік жүйенің бакалаврлердің инновациялық әрекетке даярлығында теориялық және практикалық білімнің ұштасу сәттерін арнайы сабақта меңгерту қажет деген бағытын дәлелдей алды. Оқу-қалыптастырушы кезеңде эксперименттік топта жүргізілген студенттердің Жоба жұмыстарынан да бір үлгі келтіріп өтеміз. Студенттерге ұсынылған Жобалардың бірі «Ыбырай Алтынсариннің мектеп-интернат жобаларына талдау жасау» деп аталды. Осы тақырып бойынша Қазақ мемлекеттік қыздар педагогикалық университетіндегі эксперименттік топта «Ыбырай Алтынсариннің қыздарға арналған мектеп-интернаты – заманының инновациялық технологиясы» атты Жобаны атап өту керек. Бұл Жоба «Бастауыш білім беруде инновациялық әрекетке даярлау негіздері» элективті курстың «Инновациялық әрекетке даярлану үдерісіндегі стратегиялық, тактикалық, оперативтік іс-әрекеттер» тақырыбы бойынша ұсынылған болатын. Студенттер Ыбырай Алтынсариннің қыздарға арналған мектеп-интернат ашу және ондағы оқу-тәрбие үдерісін ұйымдастырудағы ағартушы-ұстаздың инноватор ретіндегі стратегиясы мен тактикасы, оперативтік іс-әрекеттері туралы өз ойларын ғылыми дәлелдеуге тырысып, табысты Жоба орындап шықты (сурет 36). Сурет 36 – Ы.Алтынсариннің инноваторлық қызметі туралы (Жобадан) Бұл Жобаны орындау барысында студенттер өздерінің инновациялық сарапшылық әрекетке даярлану дағдыларын көрсете алды. Студенттер Ыбырай Алтынсариннің инноваторлық қызметіндегі Ұстаздың стратегиясы, тактикасы, операциялық іс-әрекеті туралы талдау жасап, көптеген ақпараттарға жаңаша көзқараспен қарай алғанын айтты. Ұстаздың инновациялық стратегиясы – қазақ даласына мектептер салу, тактикасы – жақсы мұғалімдер даярлайтын училищелер ашу, ал операциялық іс-әрекеті – оқушыларға арналған оқу бағдарламалары мен оқулықтар, оқу құрал, кітаптар жазуы деп көрсете алған студенттердің алдағы мұғалімдік қызметінде инновациялық «дәндері бар» педагогикалық үдерісті тани алатын, талдай алатын, жасай алатын қазақстандық жақсы педагог-тұлғаға айналу мүмкіндіктері бар екені анықталды. Жаңартылған білім мазмұны жағдайында болашақ бастауыш сынып педагогтерін инновациялық әрекетке даярлау кезеңдерінің мазмұнында берілген өзіндік жұмыс пен жоба әдістерінің де әдістемелік ерекшеліктері түзіліп, тәжірибелік-эксперименттік жұмысты өткізуге дайындалған оқу-әдістемелік кешеннің құрамына енгізілді. Болашақ бастауыш сынып педагогтерін инновациялық әрекетке даярлау үшін жасақталған «Бастауыш білім беруде инновациялық әрекетке даярлау негіздері» элективті курс бағдарламасы мен «Болашақ бастауыш сынып педагогтерін инновациялық әрекетке даярлау әдістемесі» оқу-әдістемелік құрал алға қойылған мақсатқа қол жеткізуде сенімді оқу-дидактикалық тірек болды. Алға қойылған мақсатқа қол жеткізуге жетелейтін барлық іс-әрекет нәтиженің бір бөлшегі болып табылады. Әр дәріс пен әрбір практикалық, лабораториялық, өзіндік сабақта алға басқан қадам мен оның нәтижесі түпкі көзделген нәтижеге жеткізетін сүрлеу жол болып қаланды деп айта аламыз. Келесі меже –қалыптастырушы кезеңді ұйымдастырып өткізу, онан соң бақылау кезеңінде студенттердің инновациялық әрекетке теориялық-практикалық даярлығын кесінді тапсырмалар арқылы тағы бір тексеру жүргізіледі. Келесі тармақшада олардың жүргізілу логикасы сипатталады және қол жеткізілген нәтижелері талданады. жүктеу/скачать 6,09 Mb. Достарыңызбен бөлісу:
|