Строительные нормы республики казахстан
жүктеу/скачать 2,16 Mb. Pdf көрінісі
|
СН РК 3.02-13-2014 12.04.2023
| ҚР ҚН 3.02-13-2014*
29 - ауа баптау; - электр экранын жерге тұйықтар арқылы орнату (оның ішінде терезелердің алдында электр беріліс желілері болған жағдайда оларды экрандау); - жоғары шудан қорғау; - дірілді кедергілерді жою; - терезелерді перделеу. 5.4.6.12 Термодиагностика кабинетінде келесілерді қарастыру қажет: - сору шкафын орнату; - науқастардың бейімделуіне арналған кабиналар. 5.4.6.13 Гемодиализ бөлімі өтетін жол болмауы тиіс. Созылмалы гемодиализге арналған бөлімдегі амбулаториялық науқастарға арналған үй-жайларды дербес аймаққа бөлу керек. 5.4.6.14 Инфекциялық ауруханалардағы гемодиализды жүргізуге арналған үй- жайларды науқастарға арналған бокстар жанына орналастыру керек. 5.4.6.15 Жуу-монтаждау және ерітінді-минералсыздандыру диализ залына немесе операциялық-диализге жақын орналасуы керек. 5.4.6.16 Эндоскопиялық бөлімнің құрамында төмендегідей кабинеттер қарастырылуы тиіс: - эзофаго-, гастро-, дуоденскопия; - ректо-колоноскопия; - бронхоскопия; - эндоскопиялық операциялық бөлме. 5.4.6.17 Эндоскопиялық бөлімдерді (кабинеттерді) жобалауды эндоскопиялық зерттеулерге және емдеу-диагностикалық процедураларға кеткен бекітілген уақыт нормаларын ескере отырып жүзеге асыру керек. 5.4.6.18 Ауруханалардағы эндоскопиялық бөлімді палата бөлімдеріне жақындатып орналастыру керек. 5.4.6.19 Аурухана құрылымында жедел медициналық көмек болған жағдайда, эндоскопиялық бөлімді қабылдау бөліміне жақын орналастырылуы керек. 5.4.6.20 Эндоскопиялық орталық қызметін орындайтын емханадағы эндоскопиялық бөлім кабинеттер мен үй-жайларды толықтай іріктеуден тұруы тиіс (эндоскопиялық операциялық кабинетті қоспағанда). 5.4.6.21 Қалпына келтіру емдеу бөлімінде стационар науқастарына арналған және емхана келушілеріне арналған жалпы кабинет қарастырылуы тиіс. 5.4.6.22 Қалпына келтіру емдеу кабинеттерін іріктеу емдеу ұйымының қуаттылығын, бөлімдер саласын ескере отырып анықталуы тиіс. 5.4.6.23 Медициналық оңалту бөлімінің құрамына физиотерапия және емдік дене шынықтыру бөлімдері кіруі тиіс. 5.4.6.24 Физиотерапия және емдік дене шынықтыру бөлімдерінде палата бөлімдерімен қолайлы байланыс болуы тиіс. Осындай бөлімдер үшін стационар және емхана науқастарының ағымдарын бөлуді қамтамасыз ету керек (бөліп жайластырылған кіре берістер, дербес күту орындары, үй-жайды әр уақытта қолдану). 5.4.6.25 Физиотерапия бөлімінде «құрғақ» (электрмен, жарықпен, жылумен емдеу кабинеттері) және «ылғалды» аймақты (сумен емдеу, балшықпен емдеу) бөлу керек. |