ПӘНДІ ОҚЫТУҒА ӘДІСТЕМЕЛІК НЕГІЗ 1-БӨЛІМ: ҚАЗАҚСТАНДАҒЫ КӨРІКТІ ЖЕРЛЕР §1. Бурабай ұлттық саябағы Бұл тақырыпта Қазақстанның көрікті жерлерінің бірі – Бурабай саябағы туралы
мәліметтермен танысады. Халық дүниетанымымен жасасып келе жатқан табиғат
құбылыстары туралы ел аузындағы аңыздармен танысып, оны табиғаттағы ерекшеліктермен
салыстырады. Оқылым мәтінінде берілген Оқжетпес бала мен пілдің достығы, елді, жерді
жаудан қорғау үшін жасаған амалдары арқылы оқушы бойына патриоттық сезім ұялатып,
елге, туған жерге деген сүйіспеншіліктерін оятады. Мәтіннің стилін ажыратып, мәтінмен
жұмыс жүргізеді. Ойтүрткі сұрақтар арқылы оқушыны сыни тұрғыдан ойлауға жетелеп, өз
еліне деген көзқарастарын білуге болады.
Әдеби тіл нормалары бойынша күрделі сөз бен сөз тіркестерін орфографиялық нормаға
сай жазу және қолдануға бағытталған жұмыстар берілген.
Тыңдалым мәтінін өз сөздерімен жеткізу шеберлігін дамыту да қарастырылған. Ондағы
көркем сөздер мен күрделі сөздердің қолданыстағы ерекшеліктеріне тоқталады.
Сондай-ақ, оқылым мен тыңдалым мәтіндері бойынша жинақы мәтін жазу тапсырмасы
да қамтылған.
Үйге тапсырмадааңыздан фонетикалық және дәстүрлі принциптер бойынша жазылған
сөздерді тауып, ережесін түсіндіріп беруі керек.
