Мемлекеттік сатып алуға қатысатын әлеуетті өнім берушіге қойылатын талаптар
Жұмыстардың не көрсетілетін қызметтердің қосалқы мердігерлерін (бірлесіп орындаушыларын) тартуды көздейтін әлеуетті өнім беруші жұмыстарға не көрсетілетін қызметтерге тартылатын қосалқы мердігерлердің (бірлесіп орындаушылардың) салықтық берешек бөлігінде және біліктілік талаптарына сәйкестігін растайтын құжаттарды мемлекеттік сатып алуды ұйымдастырушыға ұсынуға тиіс.
Олардың салықтық берешек бөлігінде біліктілік талаптарына сәйкестігін растайтын құжаттар олар орындайтын жұмыстар, көрсетілетін қызметтер түріне беріледі.
Мемлекеттік сатып алуға қатысатын әлеуетті өнім берушіге қойылатын талаптар Төмендегідей жағдайда әлеуетті өнім беруші біліктілік талаптарына сәйкес келмейді деп танылады:
1) әлеуетті өнім берушінің және (немесе) ол тартатын жұмыстардың немесе көрсетілетін қызметтердің қосалқы мердігерінің (бірлесіп орындаушысының) біліктілік талаптарына сәйкестігін растау үшін құжат (құжаттар) ұсынбағанда;
2) әлеуетті өнім беруші өзінің сәйкестігін растау үшін ұсынған құжаттарда қамтылған ақпараттың негізінде біліктілік талаптарына сәйкес келмеу, сондай-ақ ол тартатын жұмыстардың не көрсетілетін қызметтердің қосалқы мердігерінің біліктілік талаптарына сәйкес келмеуі фактісі анықталғанда;
3) біліктілік талаптары бойынша анық емес ақпарат беру фактісі анықталғанда
Мемлекеттік сатып алуға қатысатын әлеуетті өнім берушіге қойылатын талаптар Әлеуетті өнім беруші төмендегідей жағдайда мемлекеттік сатып алуға қатыса алмайды:
осы әлеуетті өнім берушінің бірінші басшыларының және осы әлеуетті өнім берушінің уәкілетті өкілінің жақын туыстары, жұбайы немесе жегжаттары өнім берушіні таңдау туралы шешім қабылдау құқығына ие болса не өткізілетін мемлекеттік сатып алуда тапсырыс берушінің немесе мемлекеттік сатып алуды ұйымдастырушының өкілі болып табылса;
әлеуетті өнім беруші тапсырыс берушіге өткізілетін мемлекеттік сатып алуды дайындау бойынша сараптамалық, консультациялық қызметтер көрсетсе, мемлекеттік сатып алудың нысанасы құрылыс-монтаждау жұмыстары, техникалық қадағалауды жүзеге асыру және жобаны басқару жөніндегі инжирингтік көрсетілетін қызметтер болып табылатын объектінің құрылысына арналған техникалық-экономикалық негіздемені және жобалау құжаттамасын әзірлеуге тапсырыс беруші, бас жобалаушы не қосалқы жобалаушы ретінде қатысса
