Тілдегі мағыналары бір -біріне қарама -қарсы сөздерді антонимдер дейміз. Мысалы: жақсы-жаман, жаңа-ескі, бар-жоқ. Сөздердің барлығына бірдей антоним сөз табыла бермейді

Омонимдер (гр. homos – біркелкі, onyma – есім) — шығуы жағынан да, мағына жағынан да басқа-басқа, айтылуы және жазылуы бірдей сөздер.

1. 
   Ат – жұмыс көлігі;
   
2. 
   Ат – есім, атау;
   
3. 
   Ат – етістік (бұйрық рай).
   

1. 
   қас – адамның қабағындағы қас;
   
2. 
   қас – дұшпан, жау;
   
3. 
   қас – бірдеменің жаны, маңы (үйдің қасы);
   
4. 
   қас – ердің қасы
   

• 
  1) көп мағыналы сөздердің семантикалық жақтан дамуы негізінде; Мысалы, жал а) жануарлардың желкесіндегі қыл; ә) ұзыннан созылып жатқан белес, қырқа;
  
• 
  2) сөздердің дыбыстық өзгерістерге ұшырауы арқылы; Мысалы, ер сөзінің бастапқы дыбысталуы егер болса, тілдің дамуы барысында ерге айналған.
  
• 
  3) сөзге омонимдес қосымшалар (-ма, -ме, -ба, -бе, -па, -пе) мен -ыс, -іс, -с; -ық, -ік, -к жұрнақтары) жалғануы арқылы туынды Омоним пайда болған. Мысалы, баспа а) газет, журнал, кітап басып шығаратын мекеме; ә) тамақ ауруы; қорық а) мал жайылатын жер; ә) үрейлену, зәресі ұшу;
  
• 
  4) басқа тілден енген сөздердің төл сөздермен бірдей дыбысталуы негізінде жасалады. Мысалы, Қыдыр (хызыр) – араб сөзі, қазақ тіліндегі ел қыдыру мағынасындағы етістікпен сәйкес. Омонимдер мағынасы мен жасалу жолдарына қарай лексикалық, лексика-грамматикалық және аралас болып үшке бөлінеді
  

1. 
   Жүз – жүз (сан есім).
   
2. 
   Жүз — өң, бет, әлпет (зат есім).
   
3. 
   Жүз – суда жүз (етістік).