«ТҮркі әдебиеті бастаулары: зерттеу мәселелері мен оқыту әдістемесі»
жүктеу/скачать 3,17 Mb. Pdf көрінісі
|
Жинақ-Түркі бастаулары
| Кіріспе.
Ұстаздық – сан ғасырлардан бері адамзат баласының көшін ілгері сүйреп келе жатқан ұлы қызмет. Қазақта «алты алаштың басы қосылса, төрдегі орын мұғалімдікі» деген сөз бар. « Қазақтың қаны бір, жаны бір жолбасшысы – мұғалім» дейді Мағжан Жұмабаев [1, 8]. Уақыт пен кеңістіктің заңдылықтарына бағынған тоқтаусыз өмір, заман талабына сай оқушы мен сол оқушыны өрге сүйрейтін ұстазды түрлі тәсілмен дамытып отырады. Алдымен, осы мамандыққа алғаш келген, жаңа заманның жаңа ұрпағына ұстаз болған креативті маманның өмірінен бір үзік сыр айтсақ. Мұғалімдік қызметке қадам басқалы тұрған кез келген ұстаздың алғашқы қорқынышы – « Сыныпты қалай басқарамын?». Бұл психологиялық құбылыс кейде білімді, тәжірибелі ұстаздардың өзінде де кездеседі. Қызығы, алдындағы оқушыны тиімді игере алмау бірнеше жылға созылуы мүмкін. Өйткені, ХХІ ғасыр - жаңа ұрпақ дәуірі. Оқу үдерісінде дәстүрлі әдіс - тәсілдердің жарамайтыны сөзсіз. Өйткені бізді қоршаған қоғам да, адам да - динамикалық қозғалыста, әр 3 секунд сайын даму үстінде. Дәл осы қарқынмен қазақ әдебиетіндегі жаңа романдар да көрініс тауып келеді. Кеңестік кезеңдегі дәстүрлі жазу стилінен ажырап, жаңа форматтағы тың тақырыптар сахнаға шыға бастады. Ендігі таңда ұстаздардың алдында тұрған басты міндет – сол, қазіргі қазақ романдарын оқыту. Жай ғана оқытып қоймай, қызығушылығын арттыра отыра, психологиялық аспектілерді ескере отыра оқыту. Мектеп оқушыларының даму деңгейлерін зерттеу және оқу үдерісіндегі ынталану сипатын ашу барысында тарихи - 272 салыстырмалық әдісі, құрылымдық, аналитикалық зерттеу, бақылау әдістері ғылыми басшылыққа алынды. Зерттеу жұмысымыздың теориялық негізі ретінде алынған бірқатар еңбектердің ішіндегі, әсіресе, Юрий Боревтің «Эстетика» кітабы, Мағжан Жұмабаевтың «Педагогика» еңбегі баса назарға алынды. Педагогтың бойындағы эстетикалық құндылықтарды дамыта отыра, оқушы санасына жаңартылған оқу мазмұнының нақты анықтамасын орнату. Заманның ортақ тақырыптарын зерделей келе тереңірек қорытынды шығару. Мақалада жоғарыда айтылған еңбектердің әрқайсысына сүйене отырып, зерттеу нысанына айналған шығарманы жан - жақты ғылыми - теориялық талдау жасап, оқытудың жаңа әдістерін ұсындық. жүктеу/скачать 3,17 Mb. Достарыңызбен бөлісу:
|