Қарынның лимфа түйіндері - ұлтабар, үлкен қарын, таз қарын жалбыршақтың үстінде жатады. Көптеген ұсақ түйіндерден құралады, әр қайсысының ұзындығы 1-4см, келеді. Лимфаны қарын бөлімдерінен, он екі елі ішектен және көк бауырдан жинайды. Жиналған лимфа белдеме цистернасына құйылады.
Шажырқайдың лимфа түйіндері - шажырқайдың ішінде жатады. Лимфаны тоқ ішек пен аш ішектен жинайды да, белдеме цистернасына құяды.
Тоқ ішектің лимфа түйіндері - ішектің қабырғаларынан жннал-ған лимфаны құрсақ цистернасына құяды.
Тік ішектің лимфа түйіндері - лимфаны тік ішектен, жамбас қуысының жоғарғы жағынан жинайды да, құйымшақ лимфа түйіндеріне береді.
Ұшаның ЛТ.
Төссүйек алдыңғы лимфа түйіндері - төссүйектің оң жағында май арасында орналасқан лимфаны төсті қоршап жатқан бұлшық еттерден, қабырға аралығындағы еттің төмен жағынан, шеміршектерден, құрсақ бұлшық еттерінен, құрсақ көк етінің алдыңғы жағынан, үлпершектен және бауырдан жинайды. Жиналған лимфаны кеңірдектіңлимфа өзегіне береді.
Бақылау сұрақтар?
1.Мал дәрінерлік санитариялық сараптаудағы лимфа түйіндерінің маңызы?
2.Ірі қара мал лимфа түйіндерінің топографиясы
3.Қойдың лимфа түйіндерінің топографиясы
4.Шошқаның лимфа түйіндерінің топографиясы
5.Жылқының лимфа түйіндерінің топографиясы
6.Түйенің лимфа түйіндерінің топографиясы
7.Бас лимфа түйіндерінің орналасуы
8.Ұшаның негізгі лимфатүйіндері
15-16 тақырыбы.Ешкі малы лифма түйіндерінің орналасу реті. Бас,ұша мен ішкі мүшелерді ветеринариялық санитариялық сараптау
Сабақтың мақсаты: ешкі малы лифма түйіндерінің орналасу реті. Бас,ұша мен ішкі мүшелерді ветеринариялық санитариялық сараптауды меңгеру
Әдетте ағзалар мен ұлпалардағы үрдістерге байланысты лимфа жүйесіндегі сөл тамырлары мен сөл түйіндерінде әр-түрліөзгерістер байқалады. Бұндай өзгерістер, әдетте мал ауруының бастапқы кезеңінде-ақ орын алады. Лимфа түйіндеріндегі өзгерістердің көпшілік уақытта белгілі бір ауруды сипаттайтын және соған тән болатынын атап өткен жөн.
Сүт қоректілердің лимфа жүйесі-сөл тамырлары мен сөл түйіндерінен құралады. Сөл тамырлары жеке ағзалар мен ұлпалардың ұлпа аралық кеңістігінен ұсақ түтікше тәрізді болып басталып, қосыла келе ірі тамырларға, жеке діңгекке айналады.
Достарыңызбен бөлісу: |
