Заттың қасиеттері мен құрамы сақталатын ұсақ бөлшектері молекулалар деп аталады. Молекулалар химиялық реакциялар кезінде ыдырайды. Яғни, олар — химиялық бөлінетін бөлшектер. Молекулалар атомдарға ыдырайды. Атомдар мен молекулалар көзге көрінбейді
Молекулалар
Көптеген атомдар топтарға бірігіп, молекулаларды түзеді. Молекулалар атомның тек бір түрінен емес, әр түрлі атомдардан түзіле алады. Мысалы, оттек молекуласы екі оттек атомынан құралған. Көмірқышқыл газының молекуласы екі әр түрлі атом түрінен, бір көміртек атомы және екі оттек атомынан құралған.
Сурет 1. Оттек және көмірқышқыл газ молекулаларының модельдері.
Атом мен молекулаларды қалай ажыратуға болады?
Атом – заттың ең кішкентай әрі бөлінбейтін бөлшегі. Бірнеше атом (бірдей, әртүрлі) бірігіп молекуланы құрайды. Атомдар мен молекулалар үнемі қозғалыста болады. Молекула – заттың қасиетін сақтайтын ең кішкентай бөлшек.
