10-сынып Түсінік хат Оқу жоспары, пән туралы түсініктеме, сынып, жылдық жүктеме
жүктеу/скачать 0,86 Mb.
|
- Бұл бет үшін навигация:
- Оқу жоспары, пән туралы түсініктеме, сынып, жылдық жүктеме.
- Лексикалық тақырыптар мақсаты.
- Оқу мақсаттарымен жұмыс жүргізу жолдары
|
10-сынып Түсінік хат Оқу жоспары, пән туралы түсініктеме, сынып, жылдық жүктеме «НАЗАРБАЕВ ЗИЯТКЕРЛІК МЕКТЕПТЕРІ» ДЕРБЕС БІЛІМ БЕРУ ҰЙЫМЫ ҚАЗАҚ ТІЛІ (оқыту тілі қазақ тілінде, жаратылыстану-математикалық бағыт) Оқу жоспары 2019-2020 оқу жылы 10-сынып Түсінік хат Оқу жоспары, пән туралы түсініктеме, сынып, жылдық жүктеме. Орта мерзімді оқу жоспары қазақ мектептерінде қазақ тілін оқыту бағдарламасын басшылыққа ала отырып, Қазақстан Республикасының оқыту қазақ тілінде жүргізілетін жаратылыстану-математикалық бағыттағы жалпы білім беретін мектептерінің 10-сыныбына әзірленді. Орта мерзімді оқу жоспары мұғалімге лексикалық тақырыптар негізінде, оқушы игеруге тиіс оқу дағдыларын дамыту жолдарын ұсынып, белсенді жұмыс түрлерін ұйымдастыруға көмек беруді көздейді. Орта мерзімді оқу жоспары оқушылардың ұлттық дүниетанымын кеңейтуге, шығармашылық қабілеттерін арттыруға, коммуникативтік дағдыларын жетілдіруге, алған білімін өмірдің кез келген саласында тиімді қолдана білуіне ықпал етеді. Пәнді оқытуға аптасына 1 сағаттан, барлығы 34 сағат бөлінген. Лексикалық тақырыптар мақсаты. Ұзақ мерзімді жоспарға сәйкес орта мерзімді жоспардағы 5 бөлімде төмендегі лексикалық тақырыптар қамтылған: 1. Қазіргі қоғам құндылықтары: мәдениет және өркениет. Сөз мәдениеті 2. Индустрияландыру: ұлттық өндіріс. Сөз мәдениеті 3. Адамзат дамуының жаһандық мәселелері. Тілдік жүйе және норма 4. Адам өмірін сақтау. Тілдік жүйе және норма 5. Сәулет өнері. Тілдік жүйе және норма Лексикалық тақырыптар оқушының белсенді сөздік қорын байытуға, алған білімін күнделікті өмірде қолдана алуға, өз ойын ашық, еркін жеткізе білуге мүмкіндік береді. Оқу мақсаттарымен жұмыс жүргізу жолдары Оқу жоспарында көрсетілген оқу мақсаттары оқушылардың айтылым, тыңдалым, жазылым, оқылым әрекеттерін қамти отырып, коммуникативтік дағдыларын сенімді қалыптастыруға, сол негізде 10-сыныпты аяқтағанда күтілетін нәтижеге қол жеткізуге бағытталған. Мұғалім сабақ жоспарын құруда лексикалық тақырыпты басшылыққа ала отырып, сынып деңгейіне, тақырып қажеттілігіне қарай бір академиялық сағатта бір немесе екі коммуникативтік әрекетті негіз етіп алады, ал басқа коммуникативтік әрекеттер жанама түрде қолданыла береді. (Мысалы, тыңдалым/ айтылым, оқылым/ жазылым). Әрбір әрекет бірнеше оқу мақсаттары арқылы жүзеге асырылуы мүмкін. Сабақ жоспарын құру барысында коммуникативтік әрекеттің барлық түрін бір деңгейде қатар алмаған дұрыс. Олардың бірі не екеуі негізгі болса, қалған екеуі жанама түрде дамытыла береді. Мұғалім орта мерзімді жоспарда ұсынылған лексикалық тақырыпқа бөлінген оқу мақсаттарының орын тәртібін сабақ түрі мен әдістерінің қажеттілігіне қарай өзгерте алады. жүктеу/скачать 0,86 Mb. Достарыңызбен бөлісу:
|