Ағымдық бақылау тапсырмалары тапсырмалар: тапсырма. Педагогика категорияларының мазмұнын ашыңыз: білім, оқыту, тәрбиелеу және т б. (глоссарий) Педагогика
жүктеу/скачать 36,7 Kb.
|
1 2
- Бұл бет үшін навигация:
- Педагогика
- Оқыту
- Жаңа оқу материалын түсіндіру
- Жаңа материалдарды баяндау
- Оқыту үрдісі
- Білім беру мазмұны
|
5 АҒЫМДЫҚ БАҚЫЛАУ ТАПСЫРМАЛАРЫ Тапсырмалар: 1 тапсырма. Педагогика категорияларының мазмұнын ашыңыз: білім, оқыту, тәрбиелеу және т.б. (глоссарий) Педагогика – адам тәрбиесі туралы ғылым. Тәрбие – аға ұрпақтың жас ұрпаққа қоғамдық-тарихи тәжірибені беру процесі, жаңа ұрпақты өмірге, еңбекке дайындау арқылы қоғамның алға қарай дамуын қамтамасыз ететін процесс. Білім беру – бұл ғылымдар жүйесінен білім алу және танымдық, іскерлік пен дағдыны қалыптастыру, оның негізінде жеке бастың көзқарасын, адамгершілік т.б. қасиеттерді қалыптастыру, адамның шығармашылық күші мен қабілетін дамыту процесі. Оқыту – бұл оқушы мен ұстаздың мақсатты түрде өзара әрекет жасау процесі. Білім - адам ойындағы шындықты дұрыс бейнелеуі, қоғамдық тәжірибеде тексерілген таным барысының нәтижесі. Білім адамдардың қоғамдағы материалдық және рухани іс әрекеті нәтижесінде пайда болады. Түсіндіру- тәрбиеленушілерге эмоционалдық-сөздік әсер ету әдісі. Ол жаңа моральдық сапаны немесе тәртіп түрін қалыптастыру және бекіту үшін немесе істелінген белгілі бір әрекетке деген тәрбиеленушілердің көзқарасын қалыптастыру үшін қолданылады. Жаңа оқу материалын түсіндіру – жаңа түсініктер, деректер, құбылыстар жөнінде олардың мағынасын, негізгі құрамдарын, белгілерін, байланыстарын, заңдылықтарын тәжірибеде қолданбалы жақтарын ашу мақсатында оқушыларға хабарлама беру. Жаңа материалдарды баяндау – оқыту барысының құрамды бөлігі. Жаңа материалды баяндауға қойылатын талаптар: жоғары теориялық деңгей, ғылыми тұрғыдан қарағанда сапалы, мұқият тексерілген материалды пайдалану, қол жетерлігі, баяндаудың жүйелілігі, бірізділігі болуы. Оқыту үрдісі – оқушы мен мұғалімнің өзара әрекетіне бағытталған, мақсат көзделген әрекет. Оқытудың принципі – оқыту процесінің тиімділігін арттыруға қажетті ең негізгі дидактикалық талаптар жүйесімен анықталады. Білім беру мазмұны – жеке адамның жан-жақты дамуы және қалыптасуы үшін меңгеретін білім, іскерлік, дағды жүйесі білім беру мазмұны болып табылады. жүктеу/скачать 36,7 Kb. Достарыңызбен бөлісу:
|
1 2