Өсімдіктердің өсуіне стимуляторлардың (өсіргіш заттар) әсер ету механизмін зерттейді
Фитогормондар — арнайы өсімдік ұлпасында синтезделетін және өсімдік ағзасына микроскопиялық концентрацияда әсер ететін биологиялық белсенді заттар.
Бұл ерекше заттар өте аз мөлшерде өсімдікте түзіліп, оның дамуын, өсуін, тыныштық күйден шығуын (ауксин, цитокинин, гиббериллин) ынталандыратын заттар, жемістердің пісіп жетілуі (этилен) немесе өркендердің ұзарып өсуін тежейді (абсциз қышқылы).
Фитогормондарды ағза тіршілігін стимулдайтын және ингибирлейтін(ағзаны қысқа ұйқыға әкелетін)деп 2 топқа бөлуге болады. Көрсетілген 5 топтың үшеуі стимулдайтын(ауксин, гиббереллин,цитокинин), екеуі ингибирлейтін (этилен,абсциз қышқылы) болып топтастырылады.
Фитогормондар өсімдік ағзасындағы қандай да бір үдерістерді күшейтетін немесе керісінше басатын (ингибирлейтін) бірден бір заттар емес.Ғалымдар гормондардан басқа өсімдіктердің өсуін стимулдайтын шамамен 40 затты анықтады.Оларды өсу факторлары немесе өсу заттары деп атайды.
Өсімдіктерде координациялау (үйлесімділік) қызметін химиялық қосылыстар атқарады. Ал бұл қосылыстарды синтезделген ағза бөлігінен келесі бір бөлігіне тасымалдауды қажет етпейді, сондықтанда бұл қосылыстарды әр уақытта гормондар деп атай алмаймыз. Сонымен қатар, бұл қосылыстар әдетте өсімдікті белгілі бір мөлшерде өсіруге қабілетті болғандықтан, аталған қосылыстарды өсіргіш заттар деп атайды.
