Ол сықақ жанрының қазақ ауыз әдебиетінде сирек те болса ұшырасып қалатын шымшыма түрін одан арман дамытушы. Шымшыма төрт жолдық бір шумақтан тұрады. Мәселен, оның белгілі композитор Шәмші Қалдаяқовқа арнап шығарған:
- деген бір шумақ өлеңінде кейіпкерінің бейнесі қолмен қойғандай анық. Шымшымаларында сықақшы өз ойын дәл түсіріп айтумен бірге бейнелі түрде жеткізуге тырысып отырады. Қазақша айтқанда, осындай тіліп түсетін қысқа шығармаларына қарап, оны «Сөзі мірдің оғындай» шешен тілді қаламгерге жатқызуға болады.
«Шылбыр» әңгімесінде Төкіш пен Байдалы арасындағы тартысты диалогтар арқылы адамдар арасындағы түсініспеушіліктің себептері юморлық тәсілмен ашылып көрсетіледі.Жазушының келемеждеп отырғандығы - Төкіш сияқты қалада қаңғып жүріп, сайда саны, құмда ізі жоқ жандардың тұрақсыздығы.
