Барлық стероидты гормондардың негізінде циклопентанпергидрофенантрен құрылымы жатыр, сондықтан барлық стероидты гормондардың жалпы негізін салушы холестерин (С27) болып табылады. Холестерин ТТЛП құрамындағы гормондарды синтездейтін жасушаларға түседі немесе онда ацетил КоА-дан синтезделеді. Жоғары спецификалық ферменттер холестериннен стероидты гормондардың түзілуін катализдейді.
Олар ұрық жасушаларын және жыныс гормондарын шығарады.
Аналық бездерде жұмыртқа жасушалар мен эстрогендер; ал трансформацияланған жұмыртқада (сары денеде) – прогестиндер түзіледі. Аталық ұрық бездерінде сперматозоидтар мен тестостерон түзіледі.
Қыздарда фолликулалардың жетілуі ерте балалық шақтан басталады. Жасөспірім жасқа дейінгі кезеңде фолликулалар көлемінің ұлғаюы нәтижесінде аналық бездерінің көлемі ұлғаяды, бірақ овуляция болмайды, өйткені жетілмеген аналық бездердің эстрогендерді синтездеуге қабілеті жоқ және балалық шақта жыныс гормондарының концентрациясы төмен болады.
Жыныстық жетілу кезінде гонадолибериндердің импульсті секрециясы басталады, содан кейін ЛГ және ФСГ-ң әсерінен аналық без гормондарының түзілуі мен секрециясы күрт артады
Жыныстық жетілу кезінде гонадолибериндердің импульсті секрециясы басталады, содан кейін ЛГ және ФСГ-ң әсерінен аналық без гормондарының түзілуі мен секрециясы күрт артады
