Жастық-бақта күте алмаппын көңіл гүлін, Қарттық шақта сөндіріппін өмір нұрын. Дін жолында жеңілдер ме менің жүгім? – Иә, Құдірет, жылап дұға қылам саған!
Осы жолда болмайды екен жан күтуге, Жан күткенді күтеді алдан мәңгі түрме. Безіп барлық пайдалардан хал бітуде, Осы күйде жылап дұға қылам саған.
Құл Қожа Ахмет нәпсі-шыңнан асты жәйлап, Фәна филлаһ* мақамына басты байлап, Жүрек, бауырым аласұрып тасты қайнап, Осы күймен жылап дұға қылам саған.
Болдым басыр, мыйсыз басты нанға тығып, Сеніменен сырласпаппын таңда тұрып. Кешермісің өкінсем мен мәңгі «аһ» ұрып, Жетегіңе ал, жолыңа сал, Әнтәл Һәди.
Азғын жолға түстім, достар, халім – харап, Жөн айтар ма жыйған жандар қарынға – бақ?! Сен жол көрсет, Жаратушым – Әли Жанаб*, Жетегіңе ал, жолыңа сал, Әнтәл Һәди.
