«кел, болашақ!» (Дәрісхана әдемі безендіріледі, шарлар, слайдтар, фуршет)

Батар күн, келер күн, атар таң, шығар күн

Бәріңе, бәріңе, бәріңе құмармын.

Осы мен осылай мәңгілік тұрармын,

Осы мен сірә де өлмейтін шығармын.
Аружан:

Өмірім, сірә да, әріден басталған,

Әріден басталып, мәңгіге тасталған.

Осы мен өлмейтін, өлмейтін шығармын,

Сәл ғана мызғып ап қайтадан тұрармын.
Ақниет: Қайырлы күн, құрметті ұстаздар мен студенттер!
Аружан: Болашақ қазақ тілі және қазақ әдебиеті пәні мұғалімдерінің сіздерге арнап көрсетер өнері жетерлік. Бүгінгі кеште болашақ педогогтарды жан жақты танисыздар.
Бірге: Сонымен біздің «Кел, болашақ!» атты салтанатты іс-шарамызға қош келдіңіздер!
Ақниет: Біз бастаймыз әнмен шашу шашамыз,

Көріністе қоя аламыз аса біз,

Педогогтар тәрбиеленген жан-жақты

Бұл бір кештің сәнін, мәнін ашамыз.

Әніңмен тербет мені.

Бір сәтке тынсын тірлік жер-көктегі

– деп ақын жырлағандай, әнге кезек берейік.

Аружан, сен осы қызықтарды басыңнан өткіздің бе?

Өлең менің сырласымдай,

Сырлассам да құмарым жүр басылмай.

Айтып өткен ақында арман бар ма

Жүрегінің түбіне кір жасырмай...
Аружан:

Жырыменен жүректерді тербеген,

Жан жарасын талайлардың емдеген.

Мөрі болған жиырмасыншы ғасырдың

Мұқағали сынды ақындары кемде кем.
Ақниет:

Ал ортаға шақырайын Гауһарды,

Сол ақынның өлеңдерін шендесе

Осы отырған мұғалім мен сіздерге

Жүрегімен оқып берсін ендеше
(Гауһар «Махаббат па?» өлеңі)
Аружан: Рақмет, Гауһар!

Өлең деген тумайды жайшылықта

Өлең деген тулайды қайшылықта.

Ақын болсаң, жарқыным алысқа аттан,

Күнделікті тірлікке бой суытпа

– деп ақын жырлағандай кезекті жас ақындарымыздың арнауына берейік.

Алдарыңызға тобымыздың биші қыздарын шақырамыз!

Қандай ғана анадан туады адам,

Сәбилердің ұйқысын қуалаған?!

О, тыныштық! Тыныштық қандай рахат!

Қандай рахат сәбилер жыламаған.
(Көрініс «Соқыр ана»)
Аружан:

Ән салып бер,

Әніңмен жан сал маған.

Жаңғырығып жасыл тау жөнесін бір,

Жатсын ұлып жапанда дел-сал далам

– дей отыра келесі кезекті ақын сөзіне жазылған әнге берсек!

— «Өлең өлмейді. Ендеше оны жазған ақын да өлмейді. Олай болса, Мұқағали Мақатаев та көз жұмған жоқ. Қатарымызда, күнбе – күн қасымызда, әне, ол мұзбалақ қыранша дүр сілкініп, бүкіл залды тебірентіп, жарық маңдайы жарқырап, жарқылдап жыр оқып тұр» — деген еді ақын Әбділда Тәжібаев олай болса, ақынның өлеңдеріне кезек берейік!

Қуанышбек Айғаным " Ей өмір"