Керемет бастауыш мектеп-балабақша кешені берік Назым Берікқызы Болашақ педагог-психологтардың диагностикалық құзыреттілігін қалыптастыру

Қазақстан Республикасы

Түркістан, 2020
Ғылыми жұмыс "Керемет" бастауыш мектеп балабақша кешенінде орындалған

Ғылыми жетекшісі: педагогика ғылымдарының докторы,

доцент Ортаев Б.Т.

Ресми оппоненті: Оңтүстік Қазақстан Мемлекеттік

педагогикалық университетінің

профессоры,п.ғ.к.Пошаев Д.Қ.

Магистрлік диссертация болашақ педагог-психологтардың диагностикалық құзыреттілігін қалыптастыру мәселесіне арналған. Диссертациялық жұмыс кіріспеден, екі бөлімнен және қорытындыдан тұрады.

Бірінші бөлімде болашақ педагог-психологтардың диагностикалық құзыреттілігін қалыптастырудың теориялық негіздері қарастырылған. Мұнда болашақ педагог-психологтардың диагностикалық құзыреттілігін қалыптастыру мәселесінің психологиялық-педагогикалық әдебиеттердегі зерттелу деңгейі талданып, болашақ педагог-психологтардың диагностикалық құзыреттілігін қалыптастырудың психологиялық аспектісі анықталып негізделінеді және болашақ педагог-психологтардың диагностикалық құзыреттіліктерін қалыптастыру теориялық моделі құрылып, ғылыми тұрғыда негізделеді.

«Болашақ педагог-психологтардың диагностикалық құзыреттілігін қалыптастыру әдістемесі» атты екінші бөлімінде болашақ педагог-психологтардың диагностикалық құзыреттілігін қалыптастырудың мазмұны айқындалады және оқытуды өнімді етудің диагностикасы жүргізіледі.. Болашақ педагог-психологтың диагностикалық құзыреттіліктерін қалыптастыру аясында берілген оқытуды өнімді ету әдістемесін сынақтан өткізу бойынша тәжірибелік-эксперименттік жұмыс бағдарламасы, диагностикалық құзыреттіліктерін қалыптастыру деңгейін бағалаудың диагностикалық құралдары таңдалды. Оқытуды өнімді ету әдістемесін сынақтан өткізу бойынша тәжірибелік-эксперименттік жұмыс жасалып, нәтижелері ұсынылды.

Қорытындыда болашақ педагог-психологтардың диагностикалық құзыреттіліктерін қалыптастыру аясында оқытуды өнімді ету факторлары айқындалып, тұжырымдар жасалынды.