Жүйелілік жоспарлаумен тығыз байланысты. Жоспарлау барысында ағымдық, аралық, тақырыптық және қорытынды бақылаудың мақсаттары мен нәтижелерін үйлестірудің қажеттілігі ескеріледі. Жүйелі тексерулер педагогикалық өлшемнің диагностикалық, білім беру, тәрбиелік және ұйымдастырушылық функцияларын жетістікпен жүзеге асыруға ықпал етеді.
Жан-жақтылықбағалауды қамтитын мәселелер ауқымын толыққанды қамтудың қажеттілігіне бағдарланады. Білімді бағалауда, бірінші кезекте негізгі тақырыптар мен бөлімдерді меңгеруіне, талап етілген дағдылар мен біліктерді меңгеру деңгейіне ерекше зейін аударылады. Білімалушылардың дене дайындығын бағалау туралы да айтуға болады. Осы салада күш, жылдамдық, шыдамдылық, қозғалыстардың тепе-теңдігін реттеу қабілеті сияқты физикалық сапалар мен қабілеттерді даму деңгейін бағалауға мүмкіндік беретін тестілер құрастырылды.
