Объективтілік ұстанымы педагогикалық үдерісті өлшеу барысындағы субъективті әсерлерді азайтуға, осы үдерісте бағдарламалық құралдардың рөлін арттыруға, бағалаудың шарттары мен ережелеріне ортақ стандарттарды қолдануға бағытталады. В.Ф.Шаталов «Эксперимент продолжается» атты еңбегінде объективтіліктің талаптарына қарама-қайшы келетін, қазіргі заманғы білімді бағалау жүйесінің жағымсыз жақтарының пайда болу себептерінің бірі ретінде оқытушы асыра бағалауды атап көрсетті.
Бақылаудағы объективтілік алуан түрлі жолдар арқылы жүзеге асырылады
Бірінші, дәстүрлі жолы – коллегиалы бағалауды қалыптастыру, ол үшін алуан түрлі комиссиялар құрылады, олардың құрамы мен саны атқарылатын істің маңыздылығына байланысты болады.
Объективтілікті арттырудың екінші жолы – бұл стандартты тесттер мен техникалық құралдарды қолдану
Объективтілікті жетілдірудің үшінші жолы –психологиялық болып табылады. Ол тұлғалық факторлармен байланысты.
Себебі әр оқытушы, мұғалім белгілі бір білім алушыға әр түрлі талаптар қояды. Кейбір педагогтар «мейірімді», кейбіреулері «қатал». Осыдан келіп, әрбір оқытушының баға қоюдағы, оған дәлел келтірудегі психологиялық бейімділігін анықтаудың қажеттілігі туындайды
Достарыңызбен бөлісу: |
